Amoji 7:15 - O Mikanda Ikola

¹⁵ Maji-phe Jihova ua ngi katula mu kuinga ibhaku, iú ua ngi tangela, uixi: Ndé ua kà zambuile kifuẋi kiami kia Izalaiele mu upolofeta.

Amoji 7:15 ပူးပေါင်းရင်းမြစ်များ

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

I Jisobha 19:19

Elija-phe u katuka-bhu, anga u sanga Ilizeu monʼa Safate, ua mu dima ni makuinhʼaiiadi a ngombe ni jiuana ku pholo iê, anga muene u kala mu dima ni jiiadi ja sukidila-ku; anga Elija, mu ku mu somboka, u mu takuila o divunga diê ku thandu.

Jelemiia 1:7

maji Jihova ua ngambela, uixi: Kana kuila: eme ngi monʼa-ndenge: mbata kuoso eme ku ngi ku tuma, uia; o ioso i ngi ku tuma, ua kà i zuela.

Jelemiia 26:12

Jelemiia hé u zuelela adiakime oso ni kifuxi kioso kuila: Jihova muene ua ngi tumu kuzambuila mbungula ku dibhata didi ni ku mbonge iii kala o izuelu ioso i muevu.

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Matesu 9:9

Kutunda bhobho, mu kubhita, Jezú u mona muthu a mu ixana Matesu, ua xikama bhu kididi kia kutambuila lubhaku. Anga u mu ambela, uixi: Ngi kaiele.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 4:20

Kuma etu ki tu tena kufula kutanga o ima ioso i tua mono, i tu evu.

Jipoxolo 5:20

Ndenu mua kemane mu Tembulu ni kutangela athu o maka ma muenhu uobhe iú.

I Samuuele 10:11

Bhenhobho athu a mu ijiia mʼokulu kia mu mono, kuma iú zuela ni uanji kumoxi ni jipolofeta, mundu a di ambela mudiâ, exi: Monʼa Kiji, ihi kia mu bhiti? Saúlo manhi ua di bundu ue kumoxi mu jipolofeta?