Amoji 7:14 - O Mikanda Ikola

¹⁴ Amoji hé u vutuila Amaziia, uixi: Eme ki ngi polofeta, kana! mba monʼa polofeta, maji ngi muingi a jingombe, ngi mudimi a jisikómolo.

Amoji 7:14 ပူးပေါင်းရင်းမြစ်များ

I Jisobha 19:19

Elija-phe u katuka-bhu, anga u sanga Ilizeu monʼa Safate, ua mu dima ni makuinhʼaiiadi a ngombe ni jiuana ku pholo iê, anga muene u kala mu dima ni jiiadi ja sukidila-ku; anga Elija, mu ku mu somboka, u mu takuila o divunga diê ku thandu.

I Jisobha 20:35

Bhenhobho umoxi mu anʼa jipolofeta, mu kizuelu kia mu tumu Ngana, uambela mukuá, uixi: Ndoko, ngi kuame. Anga mukuá u dituna ku mu kuama.

II Jisobha 2:15

O anʼa jipolofeta-phe a kexile ku sámbua diodio, mu Jedikó, kioso kia ki mono, zuela, exi: O nzumbi ia Elija ia tula kua Ilizeu. Anga eza ku mu kauidila, a di bhala bhoxi mu ku mu diundila.

II Jisobha 2:3

Bheneʼobho o anʼa jipolofeta a kexile bhu Betele, aia mu ku kauidila Ilizeu, há a muʼambela exi: Eie ua kʼijiia kuila, o ngana ié, lelu, Jihova ua-nda ku mu tambuila bhu thalʼa mutue ué-eie? Muene uixi: Eme ue nga kʼijiia muene kiambote. Dixibhienu ngó.

II Jisobha 2:5

Bheneʼobho o anʼa jipolofeta a kexile mu Jedikó, a bhixila kua Ilizeu, exi: Eie ua kʼijiia kuila, o ngana ié, lelu Jihova ua-nda ku mu tambuila bhu thalʼa mútue ué-eie? O muene-phe, uixi: Eme ue nga kʼijiia muene kiambote. Dixibhienu ngó.

II Jisobha 2:7

Ku anʼa jipolofeta anga ku tunda makuinhi a tanu a muthu eza emana mu kanga, o ene, kiiadi kiâ, emana ku mbanduʼa ngiji ia Njolodá.

II Jisobha 4:38

Kioso Ilizeu kia vutuka ueza ku Jidingale. O mu ixi ieneʼoio mua kexile nzala; kioso anʼa jipolofeta kia xikama bhu pholo iê, muene uambela mubhikʼê, uixi: O ímbia ia dikota, ta na-iu bhu jiku u bhange muzonge ua izàza phala anʼa jipolofeta.

II Jisobha 6:1

Anʼa jipolofeta anga ambela Ilizeu, exi: Tala, o kididi mu tua tungu bhu pholo ié, kia tu tolela, kuma kia bhoto.

II Malunda 16:7

Mu kithangana kieneʼokio muene, Hanani mukua lumono ueza kua Aza, sobha ia Juda, uixi: Kuma eie ua dielela kua sobha ia Sídia, o kudielela Jihova, Nzambi ié, kana, kuabhu-phe o kifuẋi kia masoladi ma sobha ia Sídia kia ku sutunuka bhu maku.

II Malunda 19:2

O Jehu, monʼa Hanani, mukua lumono, hé u tunda mu ku mu tumbidila, uambela sobha Jozafate, uixi: Eie ueji ku kuatekesa muthu ua ibha, ni kuzola ió a zembe Jihova? Kiene njinda ia dikota ia Jihova ki iejila ku thandu dié.

II Malunda 20:34

Abha o ima ia mukuá ia bhange Jozafate, kutale ia dianga, uixi ia sukidila, manhi ki iòsoneke mu mikanda ia Jehu, monʼa Hanane, ua i lunduluila mu divulu dia jisobha ja Izalaiele?

Jobe 30:4

Aia ni kunona tu miẋi tua malva ni tu mafe tua isasa, o kúdia kuâ jindanji ja muẋi ua zímbulu.

Amoji 1:1

Maka ma Amoji ua kexile mu kaxi ka tubhila tua tokala mu Tekoua, kia mono muene ku mbandu ia Izalaiele, mu izuua ia Uziia, sobha ia Juda, ni izuua ia Jelobouamu, monʼa Jouaji, sobha ia Izalaiele, kuila kua kambe ngó mivu iiadi kitungutisu kiaʼxi ki bhita.

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Zakadiia 13:5

Maji kala muthu mudiâ uà kʼamba kiki: Eme ki ngi polofeta; ngi kidimakaji ma-iê! Mbata eme ngʼeneʼami ngi mubhika. A ngi sumba tundeʼami mu undenge.

I Kolindo 1:27

Maji o Nzambi-phe ua soluʼê kiokio kia mu kuixana o mundu mu ngongʼ umu kuila uoua, phala kukuatesa na-kiu jisonhi ku athu oso ala jinjimu. Phala ue kukuatesa o jisonhi ku mazonda, Nzambi ua soloʼê kiokio athu mu ngongo kia mono kuila kubhuila.

I Samuuele 10:11

Bhenhobho athu a mu ijiia mʼokulu kia mu mono, kuma iú zuela ni uanji kumoxi ni jipolofeta, mundu a di ambela mudiâ, exi: Monʼa Kiji, ihi kia mu bhiti? Saúlo manhi ua di bundu ue kumoxi mu jipolofeta?