Amoji 7:12 - O Mikanda Ikola

¹² Amaziia bheneʼobho uambela Amoji, uixi: Mukua lumono lua kumona, ndaié kiá! Lengela ku ixi ia Juda, kueneʼoko ku ua ká dila o mbolo ié, kuenhoko uê ku ua kà zambuila mu upolofeta.

Amoji 7:12 ပူးပေါင်းရင်းမြစ်များ

II Malunda 16:10

Maji Aza u thathamena mumoni anga u mu ta bhu ditolongo mu dikuikilu; mukonda kienʼiki kia mu thathamesa kiavulu muene; Aza ue mu izuua mueneʼomo uandeka kiá kutatesa amoxi-moxi-mu ku kifuẋi.

Izaía 30:10

A tangela akua lumono, kuila: ki mu mone; o jipolofeta a ji ambela, exi; Etu kana ku tu zambuila ima ia iuka; tu tangedienu ngó ima i tu uabhela; tu kengedienu ima ioso ia ku tu hanza, sumbala ia mangonha.

Izaía 56:11

Ômbua jenhiji jala jingandixi, ki jene kuikuta; o ene ala abidi ka tongolola kima; ene-oso a vutukila jinjila jâ, kala muthu usuua nganhu iê, kala muthu ku mbandu iê.

Izekiiele 13:19

Mu kaxi ka athuʼami, enu mua ngi fukuila, mukonda dia makûmba ma sevada, ni ibhasu ia jimbolo, mbé o kujibha o mienhu ki ieji kufua, mbé mu bhake ni muenhu o mienhu ioio ki ieji kulaia dingi, kioso enu ki mu tanga o makutu ku mundu uami a mu kuívua o makutu.

Amoji 2:12

Maji enu-phe o jinaziléu mua a bhana kúnua vinhu, o jiplofeta mua a fudisa kuila: Ki mu zambule.

Amoji 7:11

Mukonda Amoji uambe kiki: Jelubouamu ua-nda kúfua ku xibhata; ni kidi muene, Izalaiele anda ku mu tubhula mʼoxi iê phala ku mu bheka ku ubhika.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Matesu 8:34

Bhenhobho mbonge ioso i tunda ku takanesa ni Jezú; o ki a mu mono, a mu dionda kutunda mu jixi jâ.

Luka 13:31

Kizuua kienhókio bhu bhixila jifalizeu jimoxi-mu, anga a mu ambela, exi: Kunu tunda-ku, uie kuengi. Mukonda Helode ua-la kuinda ku ku jibha.

Jipoxolo 16:39

Anga eza, a a dionda, hé a a katula mu ʼaleia. O kia zubha ku a katula-mu, a a bhinga kutunda mu mbonge.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

I Phetele 5:2

Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.

I Samuuele 2:36

Kia kà bhita-phe kuma, uoso uà kà subhuka mu dibhata dienu, uà keza ku mu fukamena muene, mu ku mu bhinga kakitadi ka phalata ni kadikende ka mbolo; hé ua kèla kuma: Nga ku diondo, ngi te bhu kididi kia kukalakala ku unganga, phala eme ue ngi tene kumona-ku kakibhasu ka mbolo, ngi die ka dikoka.

I Samuuele 9:9

Mʼokulu-phe mu Izalaiele, muthu se uedi uia kuzambula kua Nzambi, uila uixi: Tuie ku mumoni; kuma uoso kiki a mu ixana Polofeta, mʼokulu a kexe ku mu ila Mukua kumona.