Amoji 7:11 - O Mikanda Ikola

¹¹ Mukonda Amoji uambe kiki: Jelubouamu ua-nda kúfua ku xibhata; ni kidi muene, Izalaiele anda ku mu tubhula mʼoxi iê phala ku mu bheka ku ubhika.

Amoji 7:11 ပူးပေါင်းရင်းမြစ်များ

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jisálamu 56:5

Izuua ioso ala kubhengeleka o izuelu iami; ixingakenu iâ ioso ia ku ngi bhanga phulu.

Jelemiia 26:9

Mukonda ua zambula mu dijina dia Jihova, uixi: Mukua ni Silu, kiene kia kà kituka inzu iii, o mbonge iii a kà i sengulula ia kà di bhanga ngundu, hé ia kà xala ngó ki ia kà mona muthu u tunga-mu. Ene oso mʼonzo ia Jihova anga a di bhongolola phala kuzoka ni Jelemiia.

Jelemiia 36:16

Anga ki bhita kuila, kia zubha kuivua maka oso enhó, uoma ua a kuata, anga a di lungulukila mudiâ ni ku di iala-iala, hé ambela Mbaluke exi: Ni kidi muene, maka oso iá, sobha tua-nda ku mu tangela-nâ.

Amoji 1:1

Maka ma Amoji ua kexile mu kaxi ka tubhila tua tokala mu Tekoua, kia mono muene ku mbandu ia Izalaiele, mu izuua ia Uziia, sobha ia Juda, ni izuua ia Jelobouamu, monʼa Jouaji, sobha ia Izalaiele, kuila kua kambe ngó mivu iiadi kitungutisu kiaʼxi ki bhita.

Amoji 7:10

Bheneʼobho Amaziia, nganga bhu Betele, u tuma kutangela Jelubouamu sobha ia Izalaiele, uixi: Mu kaxi ka dibhata dia Izalaiele, Amoji ua mu ku ta kikutu kia ufe; ixi ki i tena ku kuívua o maka mé oso.

Amoji 7:12

Amaziia bheneʼobho uambela Amoji, uixi: Mukua lumono lua kumona, ndaié kiá! Lengela ku ixi ia Juda, kueneʼoko ku ua ká dila o mbolo ié, kuenhoko uê ku ua kà zambuila mu upolofeta.

Amoji 7:9

O matala-phe a Izake a kà a sengulula, ni ididi ikôla mua Izalaiele a kà i sengulula-mu; anga nga kà zangumuka ni xibhata mu ku zoka ni dibhata dia Jelubouamu.

Mikeia 1:16

Kolola o kindemba kié, bhuta o mútue ué u xale ngó ni dibhala, mukonda dia anʼé u uazola kinéne; dibhala diê u di zanzesa muene mukuâ ni dia holokoko, mukonda anʼé oso a kuambata-nâ ku ubhika.

Matesu 26:61

exi: Ialʼú ua tangele, uixi: Tembulu ia Nzambi nga soko-bho ku i bula, ni ngi i tunge mu izuua itatu.

Jipoxolo 6:14

Kuma etu tua mu ivu kuzuela kuma Jezú dia Nazalé uandu bhuisa kididʼ iki, hé u lungulula ifua ioso ia tu lekelela Mozé.