Amoji 7:1 - O Mikanda Ikola

¹ Jihova Nzambi ua ngi londekeza kiki: Ku iangu ia nginginina, iandeka ku sabhuka-ke, ngi mona ku kala mu di bhanga kihoho. Iangu iii ia nginginina ia moneka kioso sobha kia zubha kumuna.

Amoji 7:1 ပူးပေါင်းရင်းမြစ်များ

Izaía 33:4

Kiene kiua kia-nda kua kà bhongolola o madibhundila u mua xi bhoxi, mukuâ ni kia bhongolola o kabótua; kala ki tuka-tuka o mahoho, kiene ue kia kà tuka-tuka athu bhenhobho.

Jelemiia 24:1

Jihova anga u ngi bhangesa kutala; hé ngi mona inda i iadi ia jifiku, a i tula bhu kanga dia tembulu ia Jihova, kioso Nabukodonozolo, sobha ia Babilonha, kiʼambata Jekoniia, monʼa Nzuakí sobha ia Juda, ku uhutile, ni ilamba ia Juda, ni asongi-a-mabaia ni asudi-a-thumba mu Jeluzaleme anga uiza-nâ mu Babilonha.

Izekiiele 11:25

O ala ku ubhika hé ngʼa tangela ima ioso ia ngi londekesele Ngana.

Jouele 1:4

O kia subhuka ku jithothola, kia diua ku kihoho, kia subhuka ku kihoho kia diua ku kabôtua, kia subhuka ku kabôtua kia diua ku kajeja.

Jouele 2:25

Mivu ioso ia mi jikinisa kihoho, ni kabôtua, ni kajeja ni thothola, kifuẋi kiami kia dikota ki nga mi tumikisine mu ku mi lua enu, eme ngi mi vutuila-iu.

Amoji 4:9

Nga mi kuama ni kiaúla ni fuluja; o ndumba ni ndumba dia jindombe jenu ni mivide ienu, mifiku ienu ni midivua ienu a i di ku kihoho; maji Jihova uixi: Né kieneʼokio-phe, enu nguenu kudiela ni mu bhiluke kokuami!

Amoji 7:4

Jihova Nzambi anga u ngi londekeza dingi kiki: Talesa, ngi mona Jihova Nzambi iú handekela, uala kuixana túbhia phala ni tu mu batuila milonga ioso; tuene anga tu jikinisa o kidikungu kia dikota, anga tu sota kujikinisa ue o mikáu ia undundu uangene ua Jihova.

Amoji 7:7

Jihova ue ua ngʼidikiza dingi kiki: Talesa, Jihova ua kexile ku thanduʼa kimbaka kiemana nzanza, a kimika ni mukolo ua mutungi-a-nzu, uexana pulumu; o muene ue ua kuata pulumu bhu lukuaku luê.

Amoji 8:1

Jihova, Nzambi, ua ngi muesa kiki: Nga mono kinda kia ibundu iabhi ia kixibhu.

Zakadiia 1:20

O Jihova anga u ngi londekeza asudi-a-thumba kiuana.

Malakiia 3:11

Mukonda dienu, ngi bazela kabamba uene mu kujeja, phala ki ka mi dile idima iaʼxi ienu; o muvide uenu mu mábhia ki u seluka ni ukambe kuima; Jihova dia Ifuẋi ua ki tange.