Amoji 6:8 - O Mikanda Ikola

⁸ O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.

Amoji 6:8 ပူးပေါင်းရင်းမြစ်များ

Dimatekenu 22:16

uixi: Jihova uambe, nga di lokela mu dijina diami eme Muene, ki ua bhangʼiki, o monʼê ua diiala, monʼé umoxi-èlele, kua tena ku ngʼimina-nê.

Jisálamu 106:40

Kia bhangesa o njinda ia Jihova kuuama kala túbhia, kia tala ku povo iê; ni undundu uê ua mu kuata fokoso.

Jisálamu 47:4

Muene ua tu solela o undundu uetu, o ixi iauabha ia bhana Jakobo, muthu uê ua mu zola. (Selah.)

Jisálamu 50:12

Se nga kexile ni nzala, ki ngeje ku ku tangela-kiu; kuma ixi ioso iami eme, ni jimbongo jê.

Jisálamu 78:59

Nzambi kia kʼivu, njinda ia mu kuata, Izalaiele anga u mu iibhila kiavulu muene.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 28:1

Lamba dia kitundu kia ukumbu ua jihólua mu Ifalaíme! a bhingi o makembu mâ, ma matunda, mukua ni kitulu ki lalumuka, kiala ku sungu ia dikôlo dia kimise dia iá a a tolola kiá kuala o vinhu.

Jelemiia 12:8

Undundu uami ngi u kita hoji iala mu kitumba: o kia ngi zuminʼokio kiene ki nga mu zembela.

Jelemiia 22:14

Anga uila: ngi di tungila kinzu kia dixala, ni maxilu ma zanze; anga u i ta ni jinjanena; u folala kidibhata kioso ni mabaia ma musédulu, hé u ki teka ni husu.

Jelemiia 22:5

O ki mu fula ku bhana o mátui ku maka iá, nga di lokela muene eme ngi Jihova, dizemba didi di kituka ngundu.

Jelemiia 44:26

Uila kiki, ivuenu o kizuelu kia Jihova, enuʼoso mu akua Juda mua tungu mʼoxi ia Ijitu: Talenu, eme ngi loka mu dijina diami dia dikota, eme ngi Jihova, kuila ki mungu dingi dijina diami a di tumbula kuala dikanu dia muthu ua tokala kua Juda mʼoxi ioso ia Ijitu, nʼedi: Ki kola! Jihova a nangenene!

Jelemiia 49:13

Mukonda nga di lokela eme-muene-muène, eme ngi Jihova, kuila Bozola ua kà di bhanga kima ki kakukisa, ni lusebu, ni dibuikilu, ni kisunji; o jimbnonge jê joso ja kà di bhanga jingundu ji nangenena.

Jelemiia 51:14

Jihova dia Ifuẋi ua di lokela muenemuène, uixi: Ni kidi kiene nga-nda ku kuizalesa ni athu kala uombe, ene à kʼemba ni kutana ku thandu dié-eie.

Kuditenda 2:5

Jihova ua di bhange kiá kala nguma; Izalaiele ua mu jikinisa; ua jikinisa o mazêmba mê moso; ua mu buikisila o jimbonge; o kilumba kia Juda iú ua mu sokoluela o kudila ni mukondo.

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Hozeia 11:6

Xibhata ia-nda ku di ta mu jisanzala jâ, hé ia kà bula jisabhi ku mabhitu mâ, anga ia kà a jikinisa, mukonda dia jiphangu jala kuia ni ku di longesa mudiâ.

Ijila 26:11

Eme ue Balaka iami ngiza-na-iu muʼaxaxi kenu, o muenhu uami ki uẋikina dingi ku di kuma nʼenu.

Ijila 26:30

O jikalatódio jenu ngi ji lundumuna, o jiphiladi jenu ji mua tela o dikumbi, ngi ji muanga-muanga; o imbi ienu ngi i lumala kuthandu dia imbi ia jinzambi jenu; ni muenhu uami uene ki ua-nda ku mʼinda dingi.

Amoji 3:10

Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Amoji 3:11

Mukonda dia kienʼiki, Jihova uambe, uixi: sai ni nguma ia-nda ku ku tukulukila anga u konda ixi ié; imbaka ié ia nguzu u i bula, jinzu jé ja matala ua kà ji bhûnda.

Amoji 4:2

Jihova Nzambi ua loka mu kuzela kuê ku kôla, kuila: Izuua ienu i iza, ki a-nda ku mi ambata ni jinzolo, kumoxi ni luvualu luenu ku jinzolo ja kulôua jimbiji.

Amoji 5:21

O izokola ienu eme ia ngʼibhilaʼmi, o iene ue ki ngi indi; o makubho-ngoloka menu mu jikultu, ki ma ngi kuatela vondadi.

Amoji 8:3

Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Amoji 8:7

Jihova phe anga u lokela muene ku unéne ua Jakobo, uixi: Eme ki ngi tena kujimba o ikalakalu iâ ioso katé ku mivu ni mivu.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Matendelelu 32:19

Jihova phe, kia ki mono, ua ehelela bhobho! Mbata azange, a mu lokalala! A mu zokesa ni anʼê a mala ni a ahatu!