Amoji 6:2 - O Mikanda Ikola

² Bhitenu mu Kalene, mu tale; o ki mu tunda bhobho, mu-ie ue mu Hamate, o munéne; tulukilenu-phe kiá ku Ngate ia akua Fidíxia; mbebhu ene a beta kota, maungana iá ndenge? Inga mbambe jâ ene kota mu kuzanza, o jenuʼenu ndenge?

Amoji 6:2 ပူးပေါင်းရင်းမြစ်များ

Dimatekenu 10:10

A dianga kukala mu kilombo kia utuminu uê, Babele, Eleke, Akade, Kalene, mʼoxi ia Xinale.

II Samuuele 8:9

O ki evu Toi, sobha ia Hamate, kuila Davidi ua beta kifuxi kia Hadadezele,

I Jisobha 8:65

Mu kithangana kiene kimoxi, Solomá u bhitisa ue dingi o fesa ia jifundu, ni muene ni Izalaiele ioso, kionge kia dikota, bhu pholo ia Jihova, Nzambi ietu, athu a tunda bhu Hamate hé a bhixila ku ngiji ia Ijito; o fesa hé a i bhanga mu sambuadi dia izuua, ki kua di te dingi o sambuadi dia izuua ia dianga, kia bhange kuinhi dia izuua nʼiuana.

II Jisobha 17:24

Sobha ia Asídia anga uiza ni athu engi ku Babele, ni ku Kuta, ni ku Hava, ni ku Hamate, ni ku Sefalavaime, iú ua a tumina kutunga mu jimbonge joso ja Samádia, bhu kididi kia anʼa Izalaiele a tungile-mu mʼukulu; athu engi iá a lundula Samádia, iá a tungu mu jimbonge jê joso, kuma ua di bhange undundu uâ.

II Jisobha 17:30

Anga akua Babele a bhanga dihamba diâ, diʼexana: Sukote-Benote; akua Kuta a bhange Nengale; akua Hamate a bhange Asima;

II Jisobha 18:34

O jinzambi ja Hamate ni Alapade, jiʼkuebhi? O jinzambi ja Sefalavaime, ni Hena ni Iva, a ji bhange kiê? Mbebhu jene ja tenene kubhulula Samádia bhu lukuaku luami?

II Jisobha 19:13

O sobha ia Hamate a mu bhange kiebhi? O sobha ia Alapade a mu bhange kiebhi? O jisobha ja mbanza ia Sefalavaime, ni Hena, ni Iva, a ji bhange kiebhi?

II Malunda 26:6

Mbata ua tundu, iú ualu ni jifilisteu, anga u bula o kimbaka kia Ngate, ni kimbaka kia Jabina, ni kimbaka kia Ajindode; anga u tunga jimbonge mu Ajindode ni mu kaii ka jifilisteu.

Jelemiia 49:23

Bhu kaxi ni Damasku. Ni Hamate ni Alapade sonhi ja a kuata; o kievu njimbu ja ibha, mueza kuambuka; ku musanza ua kalunga kuala phaxi; kutululuka ki ku moneka.

Nahumu 3:8

Manhi ki ualʼiki, kifua eie kota, No-Amone ndenge? Sumbala a mu tungu bhu kaxi ka jingiji jezala ni menha, o kalunga ka di zanze ku pholo; iu uedi dingi ni kalunga kene, ka di bhange kiene o kimbaka kiê?

I Samuuele 17:23

Davidi kioso-phe kiala kuzuela ni phange jê, talesa, o dizonda dia mukua Fidíxia bhu Ngate, dijina diê Ngoliia, u tukuluka, ua tundu ku kilômbo kia akua Fidíxia, anga u zuela kala kiene mu kuzuela kiá. Davidi anga u mu ivua.

I Samuuele 17:4

Bhu kibangu kia akua Fidíxia anga bhu tunda dizonda, dijina diê Ngoliia mukua Ngate; muenhú o kitala kiê kóvado jisamanu ni phalumu imoxi.

I Samuuele 5:10

Kienhiki a tumikisa álaka ia Nzambi ku Ekolone. Mu kubhiẋila-phe ni álaka ia Nzambi ku Ekolone, akua Ekolone a dikola, exi: A tu bhekela kunu o álaka ia Nzambi ia Izalaiele, mu ku tu jibha etu ni mundu uetu uoso!

I Samuuele 5:8

Anga a tuma kubhongolola o jisobha joso ja akua Fidíxia, a ambela, exi: Tu bhanga kiebhi ni álaka ia Nzambi ia Izalaiele? Jisobha anga ji vutula, exi: A i sondolole, a ibheke bhu Ngate.