Amoji 6:14 - O Mikanda Ikola

¹⁴ Kinga-phe! Nganda ku mi balumuina kifuẋi ki mi phopheka tundé bhu mabokuenu ma Hamate tulé ku kangiji kala mu dinhana, eie u dibhata dia Izalaiele, kiene kiambe Jihova, Nzambi ia Ilômbo Ieta.

Amoji 6:14 ပူးပေါင်းရင်းမြစ်များ

I Jisobha 8:65

Mu kithangana kiene kimoxi, Solomá u bhitisa ue dingi o fesa ia jifundu, ni muene ni Izalaiele ioso, kionge kia dikota, bhu pholo ia Jihova, Nzambi ietu, athu a tunda bhu Hamate hé a bhixila ku ngiji ia Ijito; o fesa hé a i bhanga mu sambuadi dia izuua, ki kua di te dingi o sambuadi dia izuua ia dianga, kia bhange kuinhi dia izuua nʼiuana.

II Jisobha 14:25

O muenʼiú ue ua tona dingi o kuxinda Izalaiele mu jimbambe jê ja ukulu, tundé bhu dibokuenu dia Hamate tulé ku Kalunga ka kiphenza; kala kiambe o kizuelu kia Jihova, Nzambi ia Izalaiele, kia zuelela ku ukunji ua Selevende iê Jona, monʼa Amitai, o polofeta, ua kexile mukua-bhata bhu Ngate-Hefele.

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Izaía 7:20

Bhu kizuua kieneʼokio Jihova ua kà sobha phoko ia bhutu, iene ku sámbua dia ngiji, muene sobha ia Asídia, anga u konga na-iu o mútue ni kindemba kioso kia inama; katé ni muezu uoso muene u u konga.

Izekiiele 47:20

O ku mbandu-phe ia mufuilakumbi, o Kalunga ka Dikota kene kiá o mbambe iê, tundé bhua suku o mbambe ia Sulu katé bhu dibokuenu dia Hamate; iii-phe i kala iene o mbambe ia luiji ku mufuila-kumbi.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Amoji 3:11

Mukonda dia kienʼiki, Jihova uambe, uixi: sai ni nguma ia-nda ku ku tukulukila anga u konda ixi ié; imbaka ié ia nguzu u i bula, jinzu jé ja matala ua kà ji bhûnda.