Amoji 6:1 - O Mikanda Ikola

¹ Oso ala kiá ni kunhoha mu Ziione, kokolo diâ! Ni oso a di mono ku kondama ku mulundu ua Samádia, lamba diâ! Kokolo dia ilamba ku miji ia dianga mu ngongo, edi o kokuâ kuene kua mu lengela o dibhata dia Izalaiele.

Amoji 6:1 ပူးပေါင်းရင်းမြစ်များ

I Jisobha 16:24

Anga u sumba o mulundu ua Samádia kua Semele, mu talendu jiiadi ja phalata; anga u tunga dibhata ku mulundu, o sanzala ia tungile ku mulundu ua sumbu kua Semele, u i luka dijina dia Samádia, kifua ua luku Semele ngana ia mulundu ua Samádia.

Jisálamu 123:4

Andeka okulu ni ku tu tobhesa katé kia tu kumu muene, muenhu uetu ua tate ni ku tu sekalesa kuala iá a nanga ngó mu ulalu; ni lusebu luala ku tu sebulula na-iu akua izala.

Jisabhu 1:32

Kuma o kubaluka kua jisemenhi, kene o kalunga kâ; o kubhanduluka kua ioua, kuene kua kà a buikisa.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Jelemiia 2:3

Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Jelemiia 48:11

Mouabhe uene ni kunhoha kuê tundé mu undenge uê, o mavunze mê ma tula muene bhu hole; ka mu lunduluila kitabhu nʼeze kitabhu, mba uia ku ubhika; kiene kia mu bhangesa kuila o utoualelu uê uene hanji umoxi, uʼòlunde, ni dizumba diê ki di tumbuluka luua.

Jelemiia 49:31

Balumukenu mu bande mu kúlua ni muiji ua tululuka, ua tunga ua soma Jihova ua ki tange, muiji ki u moneka mabhitu mba makumba, kuma ene a tunguʼâ ngó.

Jelemiia 5:5

Ngiia ku adiakimi, anga nga kà zuela-nâ; mbata ió o njila ia Jihova a i ijiia, ni ubatuilu ua Nzambi iâ: maji enhá ene-oso bhuamoxi, kanga a i bukujula, o mikolo a i thathumuna.

Jelemiia 7:4

Ki mu dielele maka ma ngoho, muexi: Tembulu ia Jihova, Tembulu ia Jihova, Tembulu ia Jihova ienhiʼii.

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Amoji 3:9

Ima iii ivisenu-iu mu mazemba ma Ajidode, ni mu jinzu ja matala-matala mʼoxi ia Ijitu. Tangenu-kiu, kuamba: Bhongolokelenu ku mulundu ua Samádia, mu tale o ku di vunza kuónene kuala mu mbonge mumu ni usuéia kua ió a a phopheka muʼaxaxe kê.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 5:27

Uila kiki, eme ue ngi mi tumikisa ku ubhika, o ku muia Damasku u xala dingi kunu, kuma Jihova ua ki tange, Ió ua bhingi dijina diê a muila Nzambi ia Ilômbo Ieta.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Amoji 9:10

Mu kifuẋi kia mundu uami ene oso akua ku ta ituxi a-nda kua kà fua ku xibhata, oso ene mu ku amba, exi: Ki tua-nda kutakana ni kibuika kia kima, mba ngó kima kiaiibha ku tu zukama.

Mikeia 3:1

Eme anga ngi zuela dingi, ngixi: Ivenu kindala, enu mu atumini a Jakobo, ni enu mu jingana ja dibhata dia Izalaiele: Ki kia mi fuama enu, kuijiia kioso kiaiuka?

Sofoniia 1:12

Anga kià kala-phe kiki: Mu izuuʼomo nga kà solokota Jeluzaleme ni tundeia, nga kà bhana kastiku ku athu a xikama ku mavunze a vinhu, anga a zuela ku miẋima iâ, exi: Kua Ngana ki kuizé kima. Kuma Jihova imʼii kene ku i suua, kuila ubhanga kiambote mba ubhanga kiaiibha.

Tiiaku 1:18

O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.

Tiiaku 5:5

Mu ngongo mumu enu muenhu uenu uoso ua kudia ni kukemba, enu mua nete kiambote kala ibhaku ia xikamena kuia bhu dijibhilu.

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.

Afundixi 18:7

Kia zubha kubhanga kiki, malʼatanu enhá a katuka, a bhixila mu Laixi, a sanga athu a tungu-mu kala ni hele ia kima, ukalelu uâ uene umoxi ni akua Sidone, a dixibhʼâ, ki bhuala kima kia a zukutisa. Mʼoxi iâ ki muala muthu u kuata kutumina, mba u a kuatesa jisonhi ja kima kioso-kioso mu ixi momo; o akua Sidónia ue a di sanduka-nâ a a kalela dikanga; athu engi ka di tambulula-nâ mu ima ioso-ioso.