Amoji 5:8 - O Mikanda Ikola

⁸ Sotenu-phe ió ua bhanga o jithéthembua ja Ndumbe ia Ngombe, ni jithéthembua ja Mbuá ni Mbuiji ni Muthu; Ió ua bhingi o kuvunda kua usuku u ku lungulula kimene, o muanha u u lungulula usuku; uixana menha a musanza ua kalunga anga u a lunduluila ku thanduʼa mavu a kukuta. Jihova, diene o dijina diê.

Amoji 5:8 ပူးပေါင်းရင်းမြစ်များ

Jobe 12:22

Mua vundu, u londekesa ima ia zongo; u bheka mukengeji, bhuala kitombe kiedi muene buí.

Jobe 37:13

Muene u bheka ngó ima ioso iii phala kubazela, kia fuama mu ngongo, mba phala kuia ngó ni kubhanga jihenda jê.

Jobe 38:34

Mba eie u tena kuzangumuna o mbimbi ié katé ku matuta phala o ndumba ia menha ni i ku vungina?

Jobe 9:9

Muene ua bhange jithéthembua ja Kitôto ni Udiiono ni ja Ndumbe ia ngombe ni ididi ia di takula makanga ku sulu;

Jisálamu 104:20

U bheka-ku usuku ni kuvunda kuê, iama anga i tunda mu isasa ni kuzomba.

Jisálamu 105:28

Ua tumikisa-ku kitombe, ixi anga i bokona mua vundu; maji ene ka xikina kuívua-phe o kizuelu kiê.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 59:10

Tua mu babajalela ku iphapha kala tu ifofo, kidi muene, tua mu zuzuta kala athu a kambe o mesu; katé ni ku mediia tu dibhukajana kala kuala kitombe, tua batukila mua vundu kala tu madifundu.

Jelemiia 16:21

Kala kiki, talesa-ze, nga-nda ku a ejidisa muene, kiki kiá nga-nda ku a ejidisa o lukuaku luami ni kutena kuami; anga à kejiia kuamba dijina diami eme Jihova.

Jelemiia 33:2

Jihova ua mu bhanga o ima iii, Jihova uala ku i iudika phala o ku i kuatesa, uambe kuila, Jihova diene o dijina diê.

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Amoji 8:9

Jihova ua zuela, uixi: Ki a kàia-phe kuma, mu izuua mueneʼomo nga kà bhangesa kuila o dikumbi dia kà tula mu muanha ua mediia, o ngongo ia kà vunda ni kitombe mu kumbi hanji dia muanha uatu.

Amoji 9:6

Nzambi ua tunga jinzu jê ku maúlu, o kioleku kiê ki tula mu ngongo; Muene muenhó u tena kuixana o menha a kalunga, anga u a lunduluila kuthandu dia ngongo ioso; Jihova, diene o dijina diê.

Matesu 4:16

Athu a xikamene mu kitombe a mono mukengeji uonéne! A xikamene kididi kia kizenji kia kalunga, kuaki mukengeji uâ!

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.