Amoji 5:7 - O Mikanda Ikola

⁷ Mbata enu ufundisilu ua iuka mua u lungulula kibaka kia kulula, kubatula o milonga mu kidi mua ki takuila bhoxi.

Amoji 5:7 ပူးပေါင်းရင်းမြစ်များ

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 36:3

Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

Jisabhu 21:7

Ungumba ua isuéia, hádia ua-nda ku a jima ene o mbutu; mbata a di tunu kukumbidila o kidi.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 10:1

Lamba dia ió oso a bhana jingonge ja mangonha! Lamba dia asoneki akua kusoneka jingonge ja ku talesa athu hadi!

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 5:20

Lamba dia ió oso o kuzanga a ku ixana mbote, o mbote aʼixana kuzanga; o kitombe a ki kita mukengeji o mukengeji a u kita kitombe; o kialulu exi, kiatouala, o kiatouala exi kialulu!

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izekiiele 18:24

Maji, o muthu ua iuka se u bhambuka mu kuiuka kuê, hé u ta ituxi, ni kubhanga isunji ioso kala ki bhanga mukua phulu, muthu ió mbe u kola muenhu? Makuiuka ê oso muene a bhanga jinga ki bhuà kala ku a xinganeka dingi; mu kutondala kuê kua tondala na-ku, ni mu kituxi kiê kia-te, muène mua kà fuila.

Izekiiele 3:20

Kiene ue kimoxi ni muthu ua iuka ki eha o kuiuka kuê anga u di-tela muengi, hé u bhanga kia iibha, anga eme ngi-ta ku pholo ie-muène kidibhukanu, muene ua kà fua muene; mukonda, o ki ua kambe eie o ku mu dimuna, muene ua kà fua mu kituxi kiê, o ima ioso ia kuiuka ia bhanga jinga ka kà i xinganeka dingi, maji o manhinga mê nga kà ebhula bhu lukuaku lué-eie.

Izekiiele 33:18

O muthu ua iuka kioso kia tunda mu kuiuka kuê hé u bhanga kikuma, mu kikuma kiê muene mu a fua.

Hozeia 10:4

O mu kuta ikutu ni akuâ, a vudisa maka ma kingoho ni kuloka ngó makutu; bhuanda ku a tula-phe kaxtiku ka a sabhukila kala ki buingita o kisasa kia ikolakola mu mbondongolo ja mibhanga, ku mábhia.

Amoji 2:3

Mufundixi mu kaxi kà ngi mu katula-mu, o ilamba iê ioso a fuila kumoxi ni muene, kiene kia tange Jihova.

Amoji 3:10

Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Amoji 6:12

O tubalu tu tena kulenga mu kaxi ka matadi? Inga ku matadi a tena ku dima-ku ni jingombe? Enu-phe o kubatula milonga mua ku kitula kima kia lulu. Ibundu ia kuiuka ni kufundisa mu kidi, mua i kitula ibundu ia kingululu.

Mikeia 3:9

Ivenu-kiu-phe kindala enu atumini a dibhata dia Jakobo, ni enu mu makota ma dibhata dia Izalaiele, mua dizemba ni kubatula kua iuka, anga muila o ioso ia iuka enu mu i lunguluila muengi.

Habakuke 1:4

Mukonda dia ima ienhiʼii kitumu kia zondo, o kubatula mu kidi ki kua moneka. Kuma mukua ituxi u bhondeleka uaiuka, o kutetulula mu kidi anga a ku lémbua.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

Matendelelu 29:18

Ki bhu kale-phe diiala muʼaxaxi kenu, mba muhatu, mba diembu, mba kibuka kia muiji, nʼa kala ni muxima u ẋanjuka kua Jihova Nzambi ietu, hé u di ta mu bheza o mahamba ma miji iii; phala muʼaxaxi kenu ki mu kale kima ki sabhukisa lundanji lualulu.