Amoji 5:5 - O Mikanda Ikola

⁵ Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.

Amoji 5:5 ပူးပေါင်းရင်းမြစ်များ

Dimatekenu 21:31

Kiene kiexanena kididi kiokio Bele-seba mukonda dia kudilokela-bhu.

Dimatekenu 21:33

Mbalahamu bhu Bele-seba u kuna-bhu miẋi ia mutamala, anga u bheza bhe nhobho o dijina dia Jihova, Nzambi kene ni dizubhilu.

Dimatekenu 26:23

Kutunda bhobho, anga u banda, u kala bhu Bele-seba.

Dimatekenu 26:33

Muene anga u ki luka Seba; kala kiki o dibhata diodio a dʼixana Bele-seba katé mu kizuua kia lelu.

I Jisobha 12:28

Sobha anga ki mu bhekela kutambula phangu, kuma kia zubha kuxinganeka kiambote o imiʼii, u iudika ngombe jiiadi ja ulu; anga u tangela kifuxi uixi: Mua-ndu tala hadi ia vulu, o kubanda katé mu Jeluzaleme; tala-ze kunu o jinzambi jé, eie u Izalaiele, ja ku katula mu ixi ia Ijito.

I Jisobha 12:29

Anga u tula imoxi mu Betele hé uimika iamukuá mu Dane.

II Jisobha 23:8

Anga o jinganga joso mu jisanzala ja Juda, uiza-na-ju, hé u tumbulula ue o ididi ioso, ia di-leka bhua kexile mu kuohela o uasu ua dizumba kuala o jinganga tundé mu Jeba katé mu Beleseba; iú ua bula-bula o jikalatódio ja mabhitu, ja kexile bhu dibokuenu dia muelu ua Josuué o nguvulu ia mbonge, ja kexilile ku mbandu ia kiasu phala uoso u bokuena mu mbonge bhu dibhitu dienhodio.

Jobe 8:22

Oso a ku zembe, a kà zuata jisonji; dibhata dia iá oso a bhanga ia ibha, dia kà muangana.

Jisálamu 33:10

Jihova u fudisa o phangu ia akua jixi; kikutu kia athu mu ngongo u ki sukika.

Izaía 29:20

Kuma o kisuéia sai sukilu diê, o semenhi ua kà jikinina, oso a di bhakula mu kubhanga ituxi a kà jima o mbutu;

Izaía 8:10

Né muedi mu di-phopha bhuamoxi ku kaiula ki ka kà tunda kiambote; né mua te maka, ki ma kuata, lémbue; mbata etu Nzambi tuala-nê.

Jelemiia 48:13

Kieneʼokio-phe Mouabhe ua kà kala ni jisonhi ja Kamu, mukuá ni Izalaiele ki ala ni jisonhi ja Betele, ua mu mexile kidielelu kiê.

Hozeia 10:8

O matala ma Avene, a-nda ku a sengulula mukonda kiene o kituxi kia Izalaiele; o ku thandu dia jikalatódio jê kua-nda kusabhuka minha ni hokokoso; ene à kʼambela o milundu, exi: Tu vunginienu! O tumilundu tuofele a kà tu ambela, exi: Lundumukinenu kuthandu dietu!

Hozeia 12:11

Ngiliiade manhi ua kambe ikuma? A di bhange-phe lusebu ngó kuabhu. Mu Jidingale ala kusatela jingombe, maji jikalatódio jâ ja di bhange kala jindunji ja matadi a hatu, mu jimbondongolo ja mibhanga ku mábhia.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 9:15

Phulu iâ ioso u i sanga mu Jidingale, muenhomo muene mu nga di kumina-nâ; o mukonda dia usuéia ua ibhangelu iâ, nga-nda ku a kaia mʼonzo iami; ki nga-nda ku a zola dingi, kana! Mukonda o ilamba iâ ioso, ala ngó athu a bhukumuka.

Amoji 1:5

Sabhi ia dikûmba ku Damasku nga kà i bula-ku, o ió a tungu mu Bikiate-Avene nga kà a jima o mbutu ni uoso uala ni mbasá ia Bete-Edene bhu lukuaku; kifuẋi kia akua Sídia a kà ki bheka ku ubhika mu Kile, kuma kiene kiambe Jihova.

Amoji 3:14

Kizuua ki nga kà tata phonzo ia kutondala kua Izalaiele ku thandu diê, nga kà vutula ue phonzo ia jikalatódio mu Betele; jimbinga ja kalatódio a kà ji batula, ja kà sonoka bhoxi.

Amoji 4:4

Ndenu ku Betele mu bhange ima ia kutondala; ni ku Jidingale mu vudise o ikuma! Imene ioso bhekenu maujitu menu, o ku makumbi a tatu-atatu, zenu ni madijimu menu.

Amoji 7:10

Bheneʼobho Amaziia, nganga bhu Betele, u tuma kutangela Jelubouamu sobha ia Izalaiele, uixi: Mu kaxi ka dibhata dia Izalaiele, Amoji ua mu ku ta kikutu kia ufe; ixi ki i tena ku kuívua o maka mé oso.

Amoji 7:13

Maji-phe, tundé lelu ni ku pholo dia kuia, mu Betele kuzambuile-mu dingi ni upolofeta, mbata kiene o kididi kikôla kia sobha, diene o dibhata dia ungana ua usobha.

Amoji 7:17

Mukonda dia kienhiki Jihova uambe kiki: Muhatuʼé ua kà kituka kidianzunga mu mbonge; anʼé a mala ni anʼé a ahetu, a kà di bhala ku xibhata; o ixi ié a kà i uana-uana ni mukolo, eie-muène ua kà fuila mʼoxi ia kasana, ia xidi; o Izalaiele, ni kidi muene, a kà muʼambata koxi iengi ia dikanga mu ubhika.

Amoji 7:9

O matala-phe a Izake a kà a sengulula, ni ididi ikôla mua Izalaiele a kà i sengulula-mu; anga nga kà zangumuka ni xibhata mu ku zoka ni dibhata dia Jelubouamu.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

I Kolindo 1:28

Nzambi ua soluʼê ima ia mu tobhesa o mundu mu ngongo mumu ni kuila exi, ia sebuluka, ki i te kima, phala a jikinise na-iu ioio ia mu kuila o mundu kuma iene ia beta o ujitu.

I Kolindo 2:6

Maji-phe eme nga mu tanga o unjimu uene mu ʼaxaxe ka athu a tenena kiá mu nzumbi. Maji kʼ o unjimu-phe ua mu ngongʼ umu, ki unjimu ue ua makota ene kutumina ku mundu, a xikamena kuila o kutumina kuâ kuanda kujima.

Matendelelu 28:41

Uvuala muene anʼa mala ni anʼa ahatu, maji ku tena kukala-nâ nʼa ku bande, mukonda a-nda ku a ambata kuala o kikuka, nʼaii ku ubhika.

Josuué 5:9

Jihova anga uambela Josuué, uixi: Lelu nga kundumuna môndo ua Ijitu ua kexile ku thandu dienu, kiki uabhu-ku. Kiene kia lukila-bhu exi bhu Jidingale, katé mu kizuua kia lelu.

Dijingunuinu 18:17

Mu kumbi dimoxi, jimbongo josuʼiji ja di boto, tata! Jikabhitangu joso ja jinaviiu, ni athu oso endela ku menha, ni akalakadi mu jinaviiu, ni akua kufuna uenji uâ ku musanza ua kalunga, a suka ngó mu kanga!

I Samuuele 11:14

Samuuele anga u ambela mundu, uixi: Zenu, tuienu bhu Jidingale, ungana tu u hingise ku ubhe.

I Samuuele 7:16

Mivu ioso ua kexe mu kuila u kondoloka ku Betele ni ku Jidingale ni ku Mixipa; anga u fúndisa Izalaiele mu ididi ioso ioio.

I Samuuele 8:2

Thungunu iê dijina diê Jouele, o kiúbha kiê Abiia; anga a kala afundixi mu Beleseba.