Amoji 5:4 - O Mikanda Ikola

⁴ Mbata, Jihova, dibhata dia Izalaiele ua di tangela, kuila: Ngi sotienu, nda mu kale ni muenhu!

Amoji 5:4 ပူးပေါင်းရင်းမြစ်များ

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

II Malunda 20:3

Bheneʼobho Jozafate uoma ua mu kuata, hé u di ta mu kusota Jihova, anga u tuma o kujila, mu Juda ioso.

II Malunda 20:4

Akua Juda oso hé a di bhongolola mu kubhinga dikuatekesu kua Jihova; o mu jimbonge joso ja Juda ue mua tundu athu eza mu kusota Jihova.

II Malunda 34:3

Mukonda o kioso kia bhixila mu muvu ua kanake ua utuminu uê, kioso kiala hanji mona-ndenge, kiene kia mateka ni kusota o Nzambi ia tatʼâ Davidi; o kia tula mu muvu ua kakuinhi ni kiiadi, kiene kiá kiandeka o kuzelesa Juda ni Jeluzaleme ku matala ni ku mixitu ni ku iteka ia kusonga ni ia kuzunza.

Jisálamu 14:2

Sui! ku anʼathu kuala Jihova mu diulu, uixi: Ngi talesa mba muala ni iá ala ni kilunji, a ẋikina kusota Nzambi.

Jisálamu 22:26

Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Jisálamu 69:32

Abelesela a kà ki mona, hé ki kala kia kutana; enu muala kuinda Nzambi, muẋima uenu u suíne dingi.

Jisálamu 69:33

Kuma Nzambi uívua o jiphulungu; ka tobhesa jihutile jala bhu mikolo.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Jelemiia 38:20

Jelemiia uixi: Ka-nda ku ku bhakula. Nga ku diondo, ivua dízui dia Jihova, kala ki ngala ku ku tangela na-diu; se u dʼivua, ua-nda ku kala kiambote, o muenhu ué ua-nda kulaia muene.

Izekiiele 18:9

u kuata kuenda kiambote mu jingonge jami ni kualuka mabatuilu mami, phala kubhanga kia fuama o kidi, o muthu ió ua iuka, ni kidi kiene, u laia, kiene kia tange Jihova Nzambi.

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

Amoji 5:6

Sotenu-phe Jihova, nda mu laie; Phala muene ue ka di takuile mu bhata dia Zuze kala túbhia, ni tu mu jikinisa, bhu Betele-phe ki bhua-nda ku moneka muthu u tena ku tu jima.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Matesu 7:8

Mbata uoso u bhinga, a mu bhana; uoso u sota, u sanga; o uoso u ṗhuṗha, a mu jikuila.

Matendelelu 32:46

ua ambela, uixi: Tenu-ku muxima ku maka oso u ngala ku mi bhela umbangi lelu, mu ma sambukise ku anʼenu, ene ue phala akale ni muanu ua ku kumbidila o maka moso ma kitumu kiki.

Matendelelu 32:47

Mbata o maka iá ki maka ma ngoho, uene o muenhu uenu; ene a-nda ku mi bhana izuua iavulu iadixala mu ixi i mua-nda kúvua, kioso ki mua-nda zaúka Njolodá.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.