Amoji 5:3 - O Mikanda Ikola

³ Kuma Jihova Nzambi uambe kiki: Mu sanzala muoso mua tunda jinga midi ia makuenze a ita, Muene ua kà xisa-mu ngó hama; o mu ioio mua tunda jinga o hama, ua kà xisa-mu dikuinhi ngó dia akua bhata dia Izalaiele, toka!

Amoji 5:3 ပူးပေါင်းရင်းမြစ်များ

Jisálamu 144:14

Jingombe jetu ji kale ni nguzu ia kukalakala, ki bhu kale dingi o kimbaka ku ki bula, ki bhu kale kusalumuka bhu bhata, ni ma-kutunda-tunda, ki bhu kale dingi o kudikola-kola mu nzunga jetu.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 10:22

Mbata, eie Izalaiele, o mundu ué né-mbe u vula kala kisekele kia kalunga, tumbalumbalu ngó tua kà biluka mu kudiela, kuma kibuika a ki xindi kiá, kiezala, kia ẋamuka ni kubatula mu kidi.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Izekiiele 12:16

Maji momuʼâ nga-nda kuxamu, amoxi-mu, Ofèle, a bhulaka ku xibhata, ni ku nzala, ni ku dibhebhu, phala ende ni kutanga o maufusa mâ mu kaxi ka miji muoso mua-nda ku di tela; anga a kʼèjiia kuila eme ngi Ngana.

Amoji 6:9

Anga kia kà bhita kuila, ni dikuinhi dia muthu a subhuka kiá mʼonzo imoxi, a kà fua dingi enʼoso.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Matendelelu 28:62

Mua-nda kuxala-phe kiá ngó mu tumbalumbalu tua athu, suke mʼokulu-phe muavudile kala jithéthembua ja diulu; mbata eie kua xikina kubhana mátui ku dízui dia Jihova Nzambi ié.

Matendelelu 28:63

Kala mʼokulu Jihova ki kia mu uabhelele kiavulu o ku mi suua, ni ku mi banga mbote, ni ku mi sokolola, kiene ue ki kia kà mu uabhela kiavulu o ku mi sengulula ni ku mi jikinisa, katé ki mu bhua-ku; nda oxi i ua-nda kuvuʼiii, u mi vuza-mu katé mua kukumuka-mu.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.