Amoji 5:24 - O Mikanda Ikola

²⁴ Inda, o kufundisa kua kidi-phe, ku kunguluke kala menha; o ku batula milonga mu kidi, kuile kala kangiji ka mabhubha, ki kene dingi kukukuta.

Amoji 5:24 ပူးပေါင်းရင်းမြစ်များ

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Jelemiia 22:3

Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Izekiiele 45:9

O Jihova Nzambi uambe kiki: Kuabhu kiá, tata, enu mu ilamba ia Izalaiele! O kubhanga nguzu ni kubhondeleka, ehenu-ku! muende ni kufundisa, ni kubatula mu kidi; ehenu o kífua kienu kia kuenda ni kubhunda-bhunda o mundu uami, Jihova Nzambi ua ki tange.

Hozeia 6:6

Kuma Eme nginda o kukuatela henda, ki ngindi sata; o kuijiia Nzambi ue kota, o kuoha ibhaku ia jisata, ndenge.

Amoji 5:23

Mitendu ia kuimba kuenu, ndénu na-iu dikanga; kuma o ima ienu ia kuxika, ki ngandala ku ivua ngó o mbimbi iê.

Amoji 5:7

Mbata enu ufundisilu ua iuka mua u lungulula kibaka kia kulula, kubatula o milonga mu kidi mua ki takuila bhoxi.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?