Amoji 5:22 - O Mikanda Ikola

²² Né-mbe mu ngi bhakuila jisata jenu ja kuoha, ni mibhaku ia makudia, ki ngi tena ku i tanena; o ku jisata jenu ja uembu, ja ibhaku ia nete, ki ngi suu-ku, mba ngi tala-ku diesu.

Amoji 5:22 ပူးပေါင်းရင်းမြစ်များ

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Izaía 1:11

Eme Jihova, uambe, o ilunga ienu ia jisata i ngi bhandululaʼhi? Ngedi ni mibhaku ienu ia jimbudi ja kuoha, ni ia matheka ma ibhaku ia jisevadu, ia ngi kumu, manhinga ma jingalote, ni ma jiseseme ja jimbudi, ni ma isutu ia jihombo, mene moso ki mala ku ngi uabhela dingi.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Jelemiia 14:10

Jihova uambe kiki, ku mundu iú; kuma ene a uabhela kinéne o kubaluka, inama iâ ka i ximbakatesa dingi, kienhiki Jihova ua di kumu-nâ, maji o kindala ua-nda ku xinganeka dingi o kuiibha kuâ, anga u bhana njumbu ku ituxi iâ.

Jelemiia 6:20

Uasu ua dizumba-phe uahi uene, ua mu ngi tundila ku Seba kuná, ni lumbungu lua beta kuiuka lua ima ia mazumba lua tundu ku jixi ja makanga? mibhaku ienu ia kuoha ki ia ngi uabhela, o jisata jenu ue ki ja ngi kala ku vondadi.

Jelemiia 7:21

Jihova dia Ilombo Ieta, Nzambi ia Izalaiele, uambe kiki: Mibhaku ienu ia kuoha bhongololuenu-iu ku jisata jenu, nda mudie xitu.

Ijila 7:11

Ngonge ia sata ia paze ienhiʼii: Se muthu uandala kubhakula kua Jihova.

Amoji 5:23

Mitendu ia kuimba kuenu, ndénu na-iu dikanga; kuma o ima ienu ia kuxika, ki ngandala ku ivua ngó o mbimbi iê.

Malakiia 1:9

Kiki-phe, nga mi diondo, bhingenu kiadi kia Nzambi, kuma muene u kuatela henda; Jihova dia Ifuẋi, uixi: Enu ima ienhiʼii iene i mua bhange ni maku menu, mbé Nzambi u xikina ku mi tambulula?

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.