Amoji 5:20 - O Mikanda Ikola

²⁰ Kizuua kia Jihova manhi ki kia kà kala ngó kitombe, o mukengeji lémbue? O kuvunda kuê ki kuene kua kuila muene bui, o kuzela lémbue?

Amoji 5:20 ပူးပေါင်းရင်းမြစ်များ

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Obadiia 1:15

Mbata o kizuua kia Ngana kia zukama ku thandu dia mundu uoso ua akua jixi jengi; kioso ue ki ua bhanga eie, kiene muene ue kia kà ku vutuila. O futu ia kuiibha kué ku ua bhange, iene ia kà ku vutukila ku thandu dia mútue ué muene.

Nahumu 1:8

Muene ua kà bobesa kididi kiki ni kibuika, mukua ni dilúviu dia menha; ua kà kaiesa jinguma jê katé ua a jikinisa mu kitombe.

Sofoniia 1:15

Mbata kizuuʼokio kizuua kia njinda, kizuua kia malamba ni phaxi, kizuua kia kavuanza ni mukondo, kizuua kia mujijima uadikota ni kuvunda kuonéne, kizuua kia matuta mavulu ni mbundu iavundu, kizuua kia kitombe kiedi muene buí!

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Dijingunuinu 16:10

Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.