Amoji 5:16 - O Mikanda Ikola

¹⁶ Uila kiki, Jihova, Nzambi ia Ilômbo Ieta, o Ngana, uambe kiki: Mu jinzunga joso mua kà kala jingololo, ni mu jisengu joso a kèla Aiué, tatʼé! Aiué, tatʼé! Ni kidimakaji a kà mu ixana ue phala kudila jingololo! Akua kudila lujiji, ejiia kusânga, a kà exana mu kudila.

Amoji 5:16 ပူးပေါင်းရင်းမြစ်များ

II Malunda 35:25

Jelemiia anga u bhanga mimbu ia thambi mu kudila Joziia; o jingimba joso ja mala ni ja ahatu anga a tenda Joziia mu mimbu iâ ia kudila, katé mu kizuua kia lelu. Mbata iòbhane, i kale mu jingonge ja Izalaiele; ni kiki iòsoneke mu madidilu.

Izaía 15:8

Kuma ngololo ianda kukondoloka mu jimbambe ja Mouabhe; ku kumba kuâ kua-nda kubhiẋila ku Englaíme, o jingololo ue katé mu Belelime.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Jelemiia 30:5

Mukonda Jihova uambe kiki: Tuevu mbimbi ia kuteketa, ia Uoma-phe, ki ia kutululuka, kana.

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Jelemiia 9:10

Ku milundu ngi tela-ku nzongo ia ku dila, mu ididi i dila o ibhaku mu kikangalakata ngi tela-mu jingololo; kuma mua jikata kiá, u bhita-mu ka moneka dingi; ki muala dingi ku tunda kukoma kua ibhaku; tundé ku jinjila ja bhulu, tulé ku iama, edi o bunganʼéel … ia a lenge-mu!

Jelemiia 9:16

Hé nga a muangena muʼaxaxi ka ifuẋi ene ka ijidile ngó, né ene né o jitata jâ, anga ngi tuma xibhata ku a kaiela, katé ki ia kà a jimisa o mbutu.

Hozeia 4:3

Kienhiki oxi ia-nda kuditenda, ió uoso u tunga-mu u botomoka; katé ni iama ku mukáu, ni jinjila ja bhulu, ni jimbiji ue ja kalunga a kà ji katula-mu.

Jouele 1:11

Ni idimakaji sonhi ja a kuata, akua mivide a di kumuna, kingumba tiliku ni sevada; mbata ima ioso ia kingile ku muna mu mábhia, ia di boto.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Jouele 1:15

Uaué! Kizuuʼokio, tata! Kuma kizuua kia Jihova kia zukama! Kiene kia kèza mukuâ ni disengulukilu di tunda kua Muteni-a-Ioso.

Jouele 1:8

Iú dila mukuâ ni kilumba kia muzeletete kia di kutu ni kidinhaji, mukonda dia diiala diê dia unzangala.

Amoji 3:13

Ivenu-kiu, mu te nzongo mu kuzoka ni dibhata dia Jakobo, kiene kia tange Jihova, Nzambi ia Ilômbo Ieta:

Amoji 5:27

Uila kiki, eme ue ngi mi tumikisa ku ubhika, o ku muia Damasku u xala dingi kunu, kuma Jihova ua ki tange, Ió ua bhingi dijina diê a muila Nzambi ia Ilômbo Ieta.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Amoji 8:3

Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Mikeia 1:8

Mukonda dia kiki nga kà di ta mutendu, nga kà buza, nga kʼenda kala muthu a mu bhûndu, ua xala tuẋi; nga kà di ta mutendu kala ki bhanga o jimbulu, nga kà dikola kala kihendembumba.

Mikeia 2:4

Mu kizuuʼokio a ka mi tela kixanga ni ngololo ia kudila, exi: Tua kakuka, tua suku! Ua mono ni mbandu ia tokala akua muiji uami, muene iú u i lungulula! Tala kia ngi bomona! mikáu ietu ua tu tambula-iu, iu uala ku i uanena athu engi!

Dijingunuinu 18:10

O mu kanga mu emanena, mukonda dia uôma ua kutata kuê, a kèla: Uaué! Uaué, taté! O mbanza ia dikota Babilónia! O mbanza ia kolele kiambote! Mu kumbi dimoxi ngó, tata, kua ku tulukila kaxtiku kê!

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!