Amoji 5:10 - O Mikanda Ikola

¹⁰ Enhó kia mona bhu muelu muthu u a bazela, ki a ibhila; uoso u tanga kidi ene a mu zemba.

Amoji 5:10 ပူးပေါင်းရင်းမြစ်များ

I Jisobha 18:17

Anga ki bhita kuma, Akabe kia mono Elija, Akabe uambela Elija, uixi: Eie-muène u muzukutixi ua Izalaiele?

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

II Malunda 25:16

Kiosuʼiki hanji polofeta iu u mu zuelela, muene u vutula, uixi; Eie a ku te phala kubhana kaiula kua sobha? Dixibhe! Phalaʼhi a ku kuama ngó? Polofeta anga u dixibha, maji, uixi: Nga ki mono muene, kuila Jihova ua te kiá hundu ia ku ku sengulula; mukonda dia kiki ki ua bhange; eie ua ditunu kubhana mátui ku kaiula kami.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jisabhu 15:12

Semenhi ua di-zemba ni uoso u mu bazela; muene ka xikina kubhiẋila bhuoso bhuala o jinjimu.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Izaía 59:15

Kiene muene, o kidi a ki jimbi, uoso uila nguami kubhanga phulu, o ió, bhulubhulu dia ku mu bhunda. Jihova ua ki mono, ki kia mu iibhila ku mesu mê, kuila, o kubatula milonga mu kidi, ki kuala-ku.

Jelemiia 38:7

Ebede-Meleke, mukua Itiiopia, o ngolambole, ua kexile mʼonzo ia sobha, anga u kʼivua kuila Jelemiia a mu te mu kiboiongo (kieneʼokio-phe sobha ua xikama bhu muelu ua Bejamí);

Hozeia 4:4

Ki bhuala muthu-phe u zoka, ki bhuala u bazela mukuá; mukonda o mundu ué a sokoʼâ ngó mukuâ ni ió a zoka ni nganga.

Ijila 13:10

o nganga a mu tale. O kia mona kuila sai dife dia mu zalala ku kikonda kia xitu iê, diexi muene phéé, anga kindemba ue kizeluluka-bhu, hé bhuila kala jixitu ja beta kuboba-bhu,

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Nzuá 15:19

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.

Nzuá 3:20

Mbata oso a bhanga kiaiibha, a zemba mukengeji, keza ku mukengeji phala ima iâ ia bhanga ki i tukuluke ni i moneke ku athu.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Ngalásia 4:16

Manhi kiki nga di bhange ngi nguma ienu, mu ku mi tangela o kidi?

Dijingunuinu 11:10

Athu a tungu mu ngongo a di bhana jiphèmbele, a kala mu kuolela, mukonda dia kúfua kua mbangi jiiadʼiji. O mu kutana kuâ, a di tumikisa maujitu, mukonda exi polofeta jiiadʼiji ja kexile ku a tatesa kiavulu ene oso a tungu mu ngongo.