Amoji 4:8 - O Mikanda Ikola

⁸ Ngendesa sanzala jiiadi mba jitatu ni kunhungina sanzala ia mukuá mbé kúnua menha, maji dinhota kúfua lémbua. Né kieneʼokio, ku biluluka kokuami mua lémbua, Jihova ua ki zuela.

Amoji 4:8 ပူးပေါင်းရင်းမြစ်များ

I Jisobha 18:5

Bhenhobho Akabe uambela Obadiia, uixi: Bhita mu ixi, u talese mu fixi joso ja menha, ni mu jingiji joso. Sumba tu sanga-mu iangu ia kudikila na-iu o ibhaku, sembele tu bhake o jikabalu ni jimula ku muenhu, phala ki tu kambe ibhaku.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 3:7

Eme, o kia zubha kubhanga ima ioso iii, ngixi-phe: Vutuka kokuami; muene phe ka vutuka: o phèke-phèke-phe ia phangiʼé na Juda ua ki mono.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Amoji 4:6

Kiene ki nga bhela mazu ala ni uengenge mu jisanzala jenu joso, o mu ididi ienu ioso ki muala mbolo ia kúdia; sumbala kiene, maji enu-phe nguenu kudiela ni muize kokuami, Jihova ua ki tange.

Mikeia 6:14

Ua kà dia, maji ua kà lémbua kuikuta, o nzala ia kà ta kibuta mʼonzo ié, (moxi dié mua ká kuizala ni sonhi); ku jimbote ji u mona, ua kà kala ngó u muzangi, kubhake kana; o ioso i ua kà bhaka, eme nga kà i bhakula ku xibhata.

Ajeu 1:6

Mu kuna nzungule, mu bhongolola idima iòfele; mu dia muene, maji mu lémbua kuikuta; mu nuenu muene, maji dinhota dienu ki di bhu; o kuzuata mu zuatenunu muene, maji mbambi ienu ki ibhu, kuma ki mu tema; ni ió u kalakala, kia tambula o futu iê ku kizuua, u i tambuila mu saku ia kubuka.

Ajeu 2:17

Eme nga mi kuama mu ikalakalu ioso ia maku menu ni hâmba ni muanha, ni fuluju, ni mvula ia matadi, maji né ngó muthu umoxi muʼaxaxi kenu ua vutuka kokuami, Eme ngi Jihova.