Amoji 4:7 - O Mikanda Ikola

⁷ Ku thandu dia kiókio, mvula nga mi katula na-iu ki kua kambe ngó mbeji jitatu phala ku muna idima; nga nokesa mvula mu sanzala iii maji mu sanzala ja mukuá, lémbue! Ngedi díbhia didi dia nokena, o díbhia dia mukuá ki di nokena, idima ia kukuta!

Amoji 4:7 ပူးပေါင်းရင်းမြစ်များ

Makatukilu 10:22

Mozé anga u sunununa o lukuaku luê, u lu talesa mu diulu, anga ku kala kitombe kiaxiti mʼoxi ioso ia Ijitu, mu izuua itatu;

Makatukilu 10:23

o mu izuua itatu ioso ia muvimba, ene oso kala ku di mona dingi muthu ni mukuá, kana muthu ue ua balumuka bhu kididi bhu kia mu kuatela izuua ioso itatu; o anʼa Izalaiele-phe ene oso ku mabhata mâ kua zedié.

Makatukilu 8:22

Kizuua kienhókio o ixi ia Ngozene mua tungu o mundu uami ngi i tungula, dibhebhu dia jihamue ki di kala-mu; phala eie u kʼijiie kuma eme ngi Jihova mu ngongo ioso.

Makatukilu 9:26

Kikale ngó mʼoxi ia Ngozene, muala anʼa Izalaiele, muene ngó mua kambe kunoka o mvula ia matadi.

Makatukilu 9:4

Jihova ua-nda kutungula ue o ibhaku ia Izalaiele ni ibhaku ia akua Ijitu; phala ki ku fue kima ku ibhaku ioso ia tokala ku anʼa Izalaiele.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 14:3

Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Jelemiia 14:4

Kuma mavu ma jikujuka, mukonda dia kukamba mvula mu ngongo, o idimakaji a kala ni sonhi, hé aia ni kuvunga milele mu mítue.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jouele 2:23

Enu-phe mu anʼa Ziione, tanenu-ku mu sanguluke mua Jihova Nzambi ienu, mbata muene ua kà mi bhana ió u mi longa mabatuilu ma kidi, ua kà mi tuluila mvula ia kudinji ni ia kasamanu bhu mbeji ia dianga, kala ku dimatekenu.

Zakadiia 14:17

Se mu jifamília ja athu mu ngongo mu kala imoxi i kamba kubanda mu Jeluzaleme, mu kubheza Jihova dia Ifuẋi, o sobha, ku thandu diê ki kua kèza mvula.

Nzuá 4:35

Enu ki muala kuila kuma: Idima kua i kambe ngó mbeji jiuana mu kúbhia? Talesenu, nga mi ambela: Bhetulenu mesu, mu tale kiambote mu mábhia, idima iabhi kiá, iala polondo phala ku i bhongolola!

I Kolindo 4:7

Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

Matendelelu 11:17

anga njinda ia Jihova i mi uamena, ku diulu hé uta-ku sabhi anga mu lémbua mvula; oxi i seluka i lémbua kuima, anga selu muene mu jima o mbutu; oxi ia iukʼoio ia mi bhele Jihova, anga mu i xa.

Tiiaku 5:17

O Elija dia musèsedi, ua kexile muthu ni mukuetu, o jihânji jene jimoxi ni etu. Muène anga u samba lujiji phala mvula ki i noke, iene anga i bhanga mivu itatu ni mbeji jisamanu sè kunoka mu ngongo.

Dijingunuinu 11:6

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.