Amoji 4:11 - O Mikanda Ikola

¹¹ Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Amoji 4:11 ပူးပေါင်းရင်းမြစ်များ

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 7:4

U mu ambela kuila: Aiuka, u ximbakate, ku kale ni uoma, ku bhuile muẋima ki u mona o tu-iẋinji tuiadi tua ibunji ia mu xongota, mukonda dia kutemanana kua njinda ia Lejime sobha ia Sídia, ni ia monʼa Lemadiia.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 49:18

Ua kèla kala bhu kibuika kia Sodoma ni Ngomola ni iá a zukamene na-u, kiene kia tange Jihova; ki bhua kà moneka uoso u tunga bhobho, monʼa muthu u tunga bhobho ka moneka.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Amoji 4:6

Kiene ki nga bhela mazu ala ni uengenge mu jisanzala jenu joso, o mu ididi ienu ioso ki muala mbolo ia kúdia; sumbala kiene, maji enu-phe nguenu kudiela ni muize kokuami, Jihova ua ki tange.

Ajeu 2:17

Eme nga mi kuama mu ikalakalu ioso ia maku menu ni hâmba ni muanha, ni fuluju, ni mvula ia matadi, maji né ngó muthu umoxi muʼaxaxi kenu ua vutuka kokuami, Eme ngi Jihova.

Zakadiia 3:2

Maji o Ngana anga uambela Satana, uixi; Jihova a ku bazele, eie Satana; kiene muene, O Jihova, ua solo Jeluzaleme, a ku bazele. Ki muenhú kixinji kia túbhia kiʼo katule bhu jiku?

Loma 9:29

O Izaia ue ua ki zuela, uixi: O Ngana dia ifuẋi se ua kambele ku tu xia mbutu, hinu tueza bhua Sodoma, hinu tua bhiluka kala Ngomola.

I Kolindo 3:15

Maji uoso-phe muthu o thungu iê i bhia, nganhu iê ia kà di bota. O muene-ku ua kà bhuluka, maji kuene kua kuila kala muthu ua bhulaka mu tubhia.

Matendelelu 28:24

O ki uinda o mvula Jihova a ku tumikise fufutila; ku diulu kuende muene ni kulalumuka utôkua mbe o ku ku jikinisa katé ki uia muʼalunga.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

Juda 1:23

Amukuá mu a bhulula ni ku a nhangumuna mu tubhia. Amukuá mu a kuatela muene henda. Xi, amoximu-phe mu a lendukila ni uoma, maji mu kuzemba o ituxi, katé ni izuatu iâ ia kuata o maxaka ma jivondadi jâ, ja iibha lengenu-iu.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.