Amoji 4:10 - O Mikanda Ikola

¹⁰ Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Amoji 4:10 ပူးပေါင်းရင်းမြစ်များ

II Jisobha 10:32

Mu izuua mueneʼomo, Jihova uandeka o kutununa o jimbambe joso ja Izalaiele; mukonda Hazaiele, mu jimbambe joso ja Izalaiele, ua bhita jinga-mu ni ku a tolola.

II Jisobha 13:3

Anga o njinda ia Jihova i uama ku thandu dia Izalaiele; Nzambi hé u a bhakula bhu lukuaku lua Hazaiele, sobha ia Sídia, ni bhu lukuaku lua Benehadade, monʼa Hazaiele, izuua ioso ieneʼoio.

II Jisobha 13:7

Mukonda o Jouakaji muene ue ka mu xila dingi mala a ita, kikale ngó makuinhi a tanu a ió ene mu kusambela jikabalu, ni dikuinhi dia makalu ni kuinhi dia midi ia muthu a tena kuimana; mbata o sobha ia Sídia ua a sengulula iú ua a bhange kala fufutila ia mavu, ni ku a zuka-zuka.

II Jisobha 8:12

Kuala Hazaiele: Eie nganʼami, u didilaʼhi? Muene-phe, uixi: Mukonda o phulu i ua-nda bhanga anʼa Izalaiele nga ijiia kiá; o imbaka iâ ua-nda kua kà ioha mu túbhia, o minzangala iâ ia mala ua-nda kua kà a jibha ku xibhata, o tuana tuâ ua kà tu sanujuna, o ahetuʼâ a kà kala mu mikutu iiadi, ua-ndo kua kà a bazesa o mavumu.

Makatukilu 10:27

Maji-phe Jihova ua kolesʼê o muxima ua Falaó, ka ẋikina ku a eha.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 8:19

Bhenhobho-phe o imbanda ambela Falaó, exi: Iú mulembu ua Nzambi kiá; Falaó-phe u kola muxima, ka ẋikina ku a evua, kala kia tange Jihova.

Makatukilu 9:12

Maji o Jihova ua kolesa o muxima ua Falaó, ka ẋikina ku a evua; kiene kia tange Jihova kua Mozé, kiene.

Makatukilu 9:17

Ki ualʼokio kifua eie hanji ua thathamena o mundu uami, nguaʼié ku a eha ni aiʼâ?

Izaía 34:3

O imbi iâ ibhinga ku i texe-texe ngó mu kanga, anga o mikutu iâ ikuata kunuha kibuzu; o milundu ià kʼèzala ni manhinga mâ.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 11:22

Xi, Jihova dia Ilombo Ieta uambe, kiki: Talesa, eme nga-nda ku a bhana njumbu, o minzangala hinu a kà fua ku xibhata, anʼâ a mala ni a ahatu, hinu a kà diua ku nzala.

Jelemiia 15:3

Kuma nga-nda ku a endela ni mavuua ma uana, eme ngi Jihova, ngiia ni xibhata phala ku jibha, ni jimbua phala ku a koka, ni jinjila ja bhulu ni iama ia bhoxi, phala ku a zokonona ni ku a jikinisa.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 18:21

Kienhiki-phe, anʼâ a bhakule ku nzala, u a bhakule ue ku nguzu ia xibhata, akajʼâ a a nhane o tuana, ene uâ a xale atudi; a muadi uâ a bhituke ku phoko ia kalunga, o anʼâ a mala a a kuame ku xibhata mu kubhânga mvunda.

Jelemiia 48:15

Mouabhe a mu sengulula kiá, ua tundu mu jimbonge jê ni kubanda, o minzangala iê ia mala ia solele, ia kulumuka mu kijibha, Sobha ua ki tange, o dijina diê Jihova dia Ilombo Ieta.

Jelemiia 49:26

Kala kiki, minzangala iê ia mala ia kà tembujukila mu nzunga; o makuenze oso a ita mu kizuuʼokio a kà jikinina, kiene kia tange Jihova dia Ifuẋi

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 6:11

Mu kiki ngezala ni njinda ia Jihova; nga bhuila kiá, ki nga tena dingi ku i fudisa: ngi i lunduluila mu nzunga, ku thandu dia tumbonga ni bhu mabhongolokelu a minzangala bhuamoxi; kuma katé ni diiala ni mukajiʼê a kà a kuta, ni ua kuka kumoxi ni ió uezala ndumba dia izuua.

Jelemiia 9:22

Zuela: Eme Jihova uambe kiki: Katé ni imbi ia athu, ia-nda kutakujuka kala ditobe mu mukáu ua dianeka, mukuá ni phunga ia kidima ia xala mua bhiti o mubhongolodi, o u i bhongolola ka moneka.

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Jouele 2:20

Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Ijila 26:25

Oko kuthandu dienu ngi bheka-ku kiá xibhata, iene anga i mi bhanga-kiu mu kuvutula o phonzo ia kikutu ki tua tedienu-di; anga ngi mi phopha muene kiambote hé ngi mi tula mu jisanzala jenu; kiene kiua ki ngi mi tumikisa o dibhebhu mu kaẋi kenu, anga ngi mi bhakula ue bhu maku a jinguma.

Amoji 4:6

Kiene ki nga bhela mazu ala ni uengenge mu jisanzala jenu joso, o mu ididi ienu ioso ki muala mbolo ia kúdia; sumbala kiene, maji enu-phe nguenu kudiela ni muize kokuami, Jihova ua ki tange.

Amoji 8:3

Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Ajeu 2:17

Eme nga mi kuama mu ikalakalu ioso ia maku menu ni hâmba ni muanha, ni fuluju, ni mvula ia matadi, maji né ngó muthu umoxi muʼaxaxi kenu ua vutuka kokuami, Eme ngi Jihova.

Matendelelu 28:21

Jihova a ku tumikise dibhebhu dia peste nda di ku sange, di ku jime o mbutu mʼoxi i ua-nda kulundula, phala ku i vua.

Matendelelu 28:22

Jihova ua kà ku kuama ni uhaxi ua thulu, ni nzonzódia ia kukata-kata, ni kijimba-jimba, ni munza, ni kimaji, ni dixiximinu, ni kiangala, ni kibuika kia idima, ni ngulèle, anga i ku tatesa ni ku ku landameka katé ki u jima o mbutu.

Matendelelu 28:60

Jihova ua kà bhangesa kuila o kikote kioso ni mauhaxi oso a ku kuatele uomʼô, a bhiti na-u akua Ijito, a kà ku vutukila eie, hé a ku naminina muene, anga u di bonga na-u.

Matendelelu 7:15

O Jihova u ku saka anga uilukila-ku kiá muene, kuma u kuebhesa ku ma-uhaxi moso; ka ku ehela ku kata uhaxi u difangana ni ma-uhaxi ma akua Ijito, u uejiiʼó; inda ma-uhaxiʼomo ua-nda ku ma tuika oso a ku zembe.