Amoji 3:8 - O Mikanda Ikola

⁸ Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Amoji 3:8 ပူးပေါင်းရင်းမြစ်များ

Izaía 21:10

Uaué, tata, kibetelu kiami; Uaué taté! Tiliku ia kibhâmba kiami kia kuvundila! Nga mi tudila kioso ki ngevu kua Jihova dia Ilombo Ieta, muene Nzambi ia Izalaiele.

Izaía 31:4

Mbata Jihova kiene kia ngʼambelʼiki, uixi: Kala hoji ni monʼa hoji kia zulumina kulu dia mbole iê ia kuata, né-phe kiá a mu bhongolokela kuala kilunga kia abidi, mázui mâ ki ma mu titidisa ni kima; o kuvula kuâ ki ku mu kuata uoma: Kiene ue Jihova dia Ilombo Ieta ua kà tuluka mu zokela mulundu ua Ziione, ni kathuthu-lundu kê.

Jelemiia 20:9

Bhenhobho-phe, eme ngixi: Kuabhu nga te maka, nguami dingi ku tanga kima mu dijina dié. Maji-phe o maka mé mu muẋima uami medi kala túbhia, tua uama, tuʼojikile mu ifuba iami; nga bhuila ni kutala hadi, nga lémbua kiá.

Jelemiia 26:12

Jelemiia hé u zuelela adiakime oso ni kifuxi kioso kuila: Jihova muene ua ngi tumu kuzambuila mbungula ku dibhata didi ni ku mbonge iii kala o izuelu ioso i muevu.

Izekiiele 29:21

Mu kizuuʼokio nga kà bhangesa kuila o kutena kua muiji ua Izalaiele kua kà sabhuka dingi, hé nga kà ku bhana o kujikula dikanu, anga ua kà zuela muene kioso ki ua tena muʼaxaxe kâ; ene hé a kà kʼijiia kuila emeʼeme ngi Jihova.

Amoji 1:2

Hé uzuela, uixi: Jihova ua kà hunza mu Ziione, ua kà bhela mbimbi iê mu Jeluzaleme; mu kikála mua tungile jinge o tubhila muà kala mukondo, o bhu thala ia mulundu ua Kalumelu bhua kà kukuta.

Amoji 2:12

Maji enu-phe o jinaziléu mua a bhana kúnua vinhu, o jiplofeta mua a fudisa kuila: Ki mu zambule.

Amoji 3:4

Hoji i dilʼé ngó mu ditutu, se ki ia mono mbole? Kamona ka hoji kala mu ngenda, hé ua kevu kà dila, ki ka kuata kima?

Jipoxolo 4:20

Kuma etu ki tu tena kufula kutanga o ima ioso i tua mono, i tu evu.

Jipoxolo 5:20

Ndenu mua kemane mu Tembulu ni kutangela athu o maka ma muenhu uobhe iú.

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.

I Kolindo 9:16

Kuma né-mbe ngi kola Njimbu Iambote, ki ki ngi bhana kuta thathe. Kuma katé bhu ngezʼ abha, kiene kia ngi fuama kubhanga. Kokolo diami se ngi kamba kukola o Njimbu Iambote!

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.