Amoji 3:7 - O Mikanda Ikola

⁷ Mukonda Jihova kana-ku kima kia bhanga hé u kamba kuijidisa kikutu kiê ku abhikʼé, o jipolofeta.

Amoji 3:7 ပူးပေါင်းရင်းမြစ်များ

Dimatekenu 18:17

Jihova anga u zuela, uixi: Kifua Mbalahamu ngi mu dingila kioso ki nganda kubhanga?

Dimatekenu 6:13

Nzambi anga u ambela Noué, uixi: Dizubhilu dieza dia xitu ioso; kia ngi tetulukila muene; kuma ixi ioso iezala usuéia mukonda dia athu; ijiia na-kiu kuma nga-nda ku a buidisa kumoxi ni ixi ioso.

II Jisobha 22:13

Ndé-nu muà ngʼibhuile kua Jihova, nʼeme ni mundu iú, ni Juda ioso, ku mbandu ia maka a divulu didi dia bongo; mukonda o njinda ia Jihova ia tu kuatela ia vulu; mbata o jitata jetu ka bhele mátui ku maka a divulu didi, phala kuenda ni kubhanga ioso iòsoneke momo ku mbandu ietu.

II Jisobha 22:20

Kala kiki, tala, eme nga-nda ku ku bhongolola kuʼàia o jitata jé; eie a kà ku funda mu mbila ié ni kutululuka; o mesuʼé ka-nda kumona o hadi ioso i nga-nda kubheka bhu kididi kiki, kana. Ene anga a vutuka kua sobha mu ku mu tudila o njimbu iii.

II Jisobha 6:12

Umoxi ku abhikʼé, uixi: Lémbue, sobha, ngana iami, tata! Maji o polofeta Ilizeu uala mu Izalaiele, muenʼiú, o sobha ia Izalaiele, u muʼijidisa katé ni maka u ua tela eie mu xilu dié dia kuzeka.

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Izaía 18:4

Mbata Jihova ua ngʼambela kiki: Eme nga-nda kudixibhidila bhu bhata diami ni kutala mu kanga, mukuâ ni ki tua muanha ua mediia, o dikumbi anga di kuata kumuika, kala dituta dia mbundu, kibhita dizuza bhu thembu ia kumuna.

Jelemiia 23:22

Maji-phe, se a kexile mu kikutu kiami, hinu mundu uami eji ku uivisa maka mami, anga a u bhangesa ku bhana dikunda ku njila iâ ia ibha ni mu ku ibha kua ibhangelu iâ.

Izekiiele 29:21

Mu kizuuʼokio nga kà bhangesa kuila o kutena kua muiji ua Izalaiele kua kà sabhuka dingi, hé nga kà ku bhana o kujikula dikanu, anga ua kà zuela muene kioso ki ua tena muʼaxaxe kâ; ene hé a kà kʼijiia kuila emeʼeme ngi Jihova.

Daniiele 10:21

Maji eme nga ku jimbuila kioso kiosoneke mu mikanda i tanga o kidi. O mu kúlua ni jinguma, kana-bhu u tena ku ngi banda, kale ngó Mingedi, o kilolo kienu.

Daniiele 11:2

Kiki-phe nga-nda ku ku jimbuila o kidi. Talesa, ku Pélesa hanji kua-nda ku di-bhinganesa jisobha jitatu, o ua kauana ua-nda kúvua ma-umvuama mʼònene, akuâ osoʼá ndenge. Mukonda dia jimbongo javulu ua kà funhisa akuâ oso, phala kubalukila utuminu ua Ngeléxia.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Nzuá 15:15

Ki ngi mʼixana dingi abhika, kuma mubhika kejiia ioso i bhanga ngana iê. Maji enu nga mʼixana-phe mu makamba, mukonda ima ioso i ngevu kua Tata iami, nga mʼ ijidisa-iu.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,

Dijingunuinu 1:19

Kala kiki, soneka o ima ioso i ua-ndu mona, kixi ima kiki ialaku, ni ima hinu ia-nda kubhita.

Dijingunuinu 10:7

Maji kioso-phe anju ia kasambuadi ki ia-nda kuxika o koloneta iê, kiene o Nzambi kia-ndu zubha kubhitisa o ima iê ia kasuekèle, uila kia tanga Muène ku jiselevende jê, o jipolofeta.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!

I Samuuele 9:15

Jihova-phe ua diangele kulongesa Samuuele, kizuua kia kuila Saúlo mungu ua-nda kuiza, uixi: