Amoji 3:6 - O Mikanda Ikola

⁶ Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Amoji 3:6 ပူးပေါင်းရင်းမြစ်များ

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

II Jisobha 6:33

Kioso muene hanhi kiʼala mu kuzuela-nâ, tala, o phunga i tula, iala mu ku tuluka kua muene; hé uila, uixi: Tala, o kuiibha kuku kua tundu kua Jihova, kima kiahi-phe dingi kia kinga kua muene?

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Jelemiia 10:7

Eie u Muenexi uavu ifuẋi ioso, mukuahi muene u kamba ku ku kuatela o uoma? Kuma eie ngó ua fuama ku ku kuatela o uoma; mbata muʼaxaxi ka jinjimu joso ja akua jixi, ni mu mautuminu mâ, kana-mu ua di fuangana nʼeie.

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Jelemiia 4:5

Bokenu mu Juda, ivisenu mu Jeluzaleme, muila muexi: Xikenu koloneta moxiʼumu! dikodienu ni dizui dia suina, muixi: Bhongolokenu tu bokone mu jimbonge ja nguzu!

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Jelemiia 6:1

Enu muʼana a Bejami, mu kaxi ka Jeluzaleme tundenu-mu, mu lengele o muenhu uenu; xikenu ue mbungu mu Tekoua, lekenu ue sama ia túbhia mu Beth-haselene; kuma ku mbandu ia kusuku ku kuijiia kibhidi ni kibuika kia dikota.

Izekiiele 33:3

o muene-phe kia mona o xibhata ia mu kuiza mu ngongo, hé u xika o koloneta nʼa dimune o mundu;

Hozeia 5:8

Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Amoji 3:5

Njila i fué ngó bhu mubhetu mu mavu ahatu, se o mubhetu ka u olekela? O mubhetu uzabuké ngó mu mavu, bhene ki bhua fu kima?

Sofoniia 1:16

Kizuua kia kuxika koloneta ni mitendu ia kumuanga jimbonge jʼonéne ni tuthôndo tua dileka.

Zakadiia 8:10

Kuma kioso izuuʼoio kiluua i bhixila, ki ku kexile futu ia athu mba o iama; ki ku kexile ue kutululuka phala uoso u tunda mba uoso u bokona, mukonda dia nguma. Kuma athu oso nga a vunzile muẋima eme nga a bhangesele kuila muthu u lungulukila mukuá muthu u lungulukila mukuá.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.