Amoji 3:5 - O Mikanda Ikola

⁵ Njila i fué ngó bhu mubhetu mu mavu ahatu, se o mubhetu ka u olekela? O mubhetu uzabuké ngó mu mavu, bhene ki bhua fu kima?

Amoji 3:5 ပူးပေါင်းရင်းမြစ်များ

Jisálamu 140:5

Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Ndongixi 9:12

Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Jelemiia 31:28

Hé kia kà kala phe kiki: Mukua ni ki nga fulu kilu ku thandu diâ, phala kuvuza, phala kubula, ni kuvutula kuema, phala kumuanga, phala kutatesa, kiene ue ki nga-nda kufula o kilu ku thandu diâ, phala kutunga ni ku kuna, Jihova ua ki tange.

Daniiele 9:14

Kiene kia bhangesa Jihova kukala ni muanu ua kuiibha kuosʼuku, iu ua ku tuluila kuthandu dietu. Mukonda Jihova Nzambi ietu, ualungu muene mu ioso ia tu bhange, muene u fundisa mu kidi kiê, mbata etu-ku tua bhukumukina o diízui diê kuma tua fulu ku dívua.

Amoji 3:4

Hoji i dilʼé ngó mu ditutu, se ki ia mono mbole? Kamona ka hoji kala mu ngenda, hé ua kevu kà dila, ki ka kuata kima?

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?