Amoji 3:15 - O Mikanda Ikola

¹⁵ Inzu ia tungila mbambi ni iii ia tungila mvula, nga kà ji bula; jinzu ja mazu a nzamba ja ka senguluka, ni jinzu ja makota, ja kà kala ni dizubhilu diê, kiene kiambe Ngana.

Amoji 3:15 ပူးပေါင်းရင်းမြစ်များ

I Jisobha 22:39

Kutanga o ikalakalu dingi ia Akabe, ni ima ioso ia bhangele, ni inzo ia mazuʼa nzamba ia tungile, manhi ki iòsoneke mu divulu dia malunda ma jisobha ja Izalaiele?

Jisálamu 45:8

Izuatu ié ioso i nuha mila, ni aloué, ni kaxiia; o mu palaxu ia mazu a nzamba, muene mua mu ku xikila o jimbànza ja ku ku sanguluisa mu fesa.

Izaía 5:9

Nga kʼivu ni mátui mami, kia ki zuela Jihova dia Ilombo Ieta, uixi: Kutanga o kidi, nga-nda ku sengulula muene jinzu janzungule, katé ni mazemba mʼònene ma-ndu xala jingundu.

Jelemiia 36:22

(Kieneʼokio-phe, o sobha ua kexile mʼonzo iê ia mbambi, bhu mbeji ia kavua, ua xikama mu kuota bhu túbhia tua mu tudila ku pholo bhu kienga kiala ni makala a uama).

Amoji 2:5

Mu kienʼiki Juda ngi mu ta túbhia, phala tuene tu jikinise o jinzu ja matala-matala mu Jeluzaleme.

Amoji 3:11

Mukonda dia kienʼiki, Jihova uambe, uixi: sai ni nguma ia-nda ku ku tukulukila anga u konda ixi ié; imbaka ié ia nguzu u i bula, jinzu jé ja matala ua kà ji bhûnda.

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Amoji 6:11

Mbata o Ngana se u tumina, inzu ia dikota i di tolojola, o inzu iòfele ijikuka misula.

Malakiia 1:4

Né hanji Edomo uala kubanza, kuila: Sumbala a tu sengulula kiua, maji hanji, jingùndu tua kà tona dingi ku ji tunga lua mukuá. Maji-phe, Jihova dia Ifuẋi uambe kiki: Ene némbé a tunga, eme nga-nda ku a sengulula muene; a kà a luka, exi: Ixi ia isuéia; athu a di zemba ni Nzambi, katé njinda iê ia a uamena ku thandu diâ mu thembu joso.

Afundixi 3:20

Ehudi anga u bokona muoso muala sobha; u mu sanga ua xikama u bheka uê mu tambula mulenge mu sala ku thandu. Ehudi anga u zuela, uixi: Ngala ni njimbu ia ku ku tudila ia tundu kua Nzambi.