Amoji 3:14 - O Mikanda Ikola

¹⁴ Kizuua ki nga kà tata phonzo ia kutondala kua Izalaiele ku thandu diê, nga kà vutula ue phonzo ia jikalatódio mu Betele; jimbinga ja kalatódio a kà ji batula, ja kà sonoka bhoxi.

Amoji 3:14 ပူးပေါင်းရင်းမြစ်များ

II Jisobha 23:15

Katé ue ni Kalatódio ka kexile bhu Betele ni ditala dia bhangele Jelubouamu monʼa Nebate, ua bhangesele Izalaiele kuta ituxi, kumoxi ni Kalatódio kenhoko ni ditala diê, muene ua di sengulula; o ditala ua di sengulula, o Kalatódio ua ka kitula fufuta, o kiteka kia muxitu muene ua ki te mu túbhia.

II Malunda 31:1

Kioso o ima ioso iii ki iabhu, akua Izalaiele oso a kexile bhobho, a katuka, aia mu jimbonge ja Juda anga o iteka a i bula-bula, mixitu a i koka, mu Juda ioso ni mua Bejamí a sengulula-mu o matala moso ni jikalatódio, kiene ue kimoxi mua Efalaime ni Manasa, katé ima ioso kia i sengulula; kuabhu-phe, ana oso a Izalaiele a vutuka kiua, muthu uia kokuʼâ, muthu uia kokuʼâ, mu jisanzala jâ.

Makatukilu 32:34

Kala kiki-phe ndeie, u tuamenene o mundu iú, mu ku a bheka kididi kioso ki nga ku tangela; tala-ze, anju iami ia-nda ku ku tuamena jinga ku pholo; maji-phe, bhu kizuua kiami kia ku a zungila, ni kituxi kiki nga-nda ku a bhela-kiu o kaxtiku kê.

Amoji 2:8

U sanga a zeka kumoxi bhu mbanduʼa kalatódio koso-koso, ku thandu dia izuatu ia a ximbikila; o monzo ia jinzambi jâ muene mua nuina o vinhu ia kubhûnda.

Amoji 4:4

Ndenu ku Betele mu bhange ima ia kutondala; ni ku Jidingale mu vudise o ikuma! Imene ioso bhekenu maujitu menu, o ku makumbi a tatu-atatu, zenu ni madijimu menu.

Amoji 7:10

Bheneʼobho Amaziia, nganga bhu Betele, u tuma kutangela Jelubouamu sobha ia Izalaiele, uixi: Mu kaxi ka dibhata dia Izalaiele, Amoji ua mu ku ta kikutu kia ufe; ixi ki i tena ku kuívua o maka mé oso.

Amoji 7:13

Maji-phe, tundé lelu ni ku pholo dia kuia, mu Betele kuzambuile-mu dingi ni upolofeta, mbata kiene o kididi kikôla kia sobha, diene o dibhata dia ungana ua usobha.

Amoji 7:9

O matala-phe a Izake a kà a sengulula, ni ididi ikôla mua Izalaiele a kà i sengulula-mu; anga nga kà zangumuka ni xibhata mu ku zoka ni dibhata dia Jelubouamu.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.