Amoji 3:10 - O Mikanda Ikola

¹⁰ Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Amoji 3:10 ပူးပေါင်းရင်းမြစ်များ

Jobe 20:21

O luimbi luê lua kihabula, ki luʼehela kima kusomboka, mu kienhiki-phe, o kuzediua kuê ki kua kà tena kunanga.

Jisálamu 14:4

Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

Jisabhu 1:13

Bhene bhu tua-nda kubongela mbole ia ima ioso ia te kiavulu; tua-nda kuizalesa jinzu jetu ni ima ia kubhûnda;

Jisabhu 11:16

Muhatu ua nheṗhuka, kijingu kiê kia kalé, mukuâ ni mala ma suína nu kukalakala, kia lunda o jimbongo.

Jisabhu 28:5

Athu a bhumu, o uendelu ua ngonge ia kuiuka, ki utena ku a jimbulukila; maji oso-phe a sota Jihova, ima ioso ia tetulukila kiambote.

Ndongixi 4:1

Anga ngi lunguluka dingi, hé ngi tongolola o kubhondeleka ni kutatesa kuoso kuala mu kubhanga athu kulu-dia-mundu; anga ngi mona o masoxi ma ió oso a a tatesa, ni masoxi ma iá oso a kambe uoso u a konda o malamba; o kusuína kuala ku mbandu ia atatexi maji o ene-phe a a tatesa, a lémbua ngó uoso ua konda o malamba!

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 5:4

Eme-phe ngixi: Kia kidi kiene o iá ene o jingadiama ja jisemenhiʼiji: malaji ahatu, kuma kejiia njila ia Jihova, ni ubatuilu ua Nzambi iâ.

Izekiiele 18:7

ka xikina kubhondeleka muthu uoso-uoso, o kiximbi kia mu ximbikila mukua dikongo u mu vutuila-kiu, ka xikina kunhana, o uala ni nzala u mu bhana kudia, hé u zuika kizuatu kua ió uala ni tuẋi.

Izekiiele 22:29

A bhondeleka muene kiavulu o mundu uala mu ixi, enda ni kunhana, a bhanga kusuina ku phulungu ni iú ua tate, o ua tundu dikanga a mu bhondeleka muene, sè kikuma.

Izekiiele 8:17

Bhenhobho u ngʼambela, uixi: Ua mono, eie monʼa muthu? Manhi kuala dingi kima kia mukuá kia beta ku uôua mu dibhata dia Juda, o isunji iii iaiibha ia mu bhanga bhabha hé i kala ndenge? Kia zubha kuizalesa o ngongo ni kusuina, hanji a kuata ku ngi lokalala? Tala, iá bhiẋidisa muene o luthangu ku dizulu diâ.

Hozeia 7:1

O ki ngedi-ze ngʼilule Izalaiele, kua tukuluka o phulu ia Ifalaíme; kua tukuluka ue o ikuma ia Samádia; mukonda ene a bhange mangonha; mbata o muii u bokona mʼonzo, o kilômbo kia ingumba ki bhûndila kunu ku kanga.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 5:7

Mbata enu ufundisilu ua iuka mua u lungulula kibaka kia kulula, kubatula o milonga mu kidi mua ki takuila bhoxi.

Amoji 6:12

O tubalu tu tena kulenga mu kaxi ka matadi? Inga ku matadi a tena ku dima-ku ni jingombe? Enu-phe o kubatula milonga mua ku kitula kima kia lulu. Ibundu ia kuiuka ni kufundisa mu kidi, mua i kitula ibundu ia kingululu.

Amoji 6:3

Enu mua fika kizuua kia ibha kiala hanji dikanga, enu mua mu di bunda bhu kididi kia usuéia.

Amoji 6:8

O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.

Mikeia 6:10

Kifua mu inzu ia mukua ituxi, muala hanji ni jimbongo ja mangonha? Ni efa ienu ki ia fuama, i mua tolesa phala kuia ni kuzonga na-iu o uenji?

Sofoniia 1:9

Mu kizuʼokio nga kà beta ue ene oso ió a bokuena bhulu dia muelu, anga ezalesa jinzo ja jingana jâ ni kusuina ni usuéia.

II Phetele 3:5

Ene-phe akua kuzombala enhá, a jimbi-ku luelu, kuila kua kexile maulu mʼokulu, ni oxi, ia tomboloka mu menha, mu ʼaxaxi ka menha, mu kizuelu kia Nzambi.