Amoji 3:1 - O Mikanda Ikola

¹ Ivenu kizuelu kia Jihova, uala kuzuela mu kuzoka ni enu, mu anʼa Izalaiele, enuʼoso mu muiji nga mi tombola mu ixi ia Ijitu, kuamba:

Amoji 3:1 ပူးပေါင်းရင်းမြစ်များ

I Malunda 16:13

Enu, mu mbutu ia Izalaiele, selevende jê, enu mu ana a Jakobo a mi sola.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 48:12

Ngi bhe mátui Jakobo, tata, nʼeie u Izalaiele, u muthu nga ku ixana; eme-muène umoxi-ú, eme nga dianga, eme ue nga sukidila.

Jelemiia 13:11

Kuma, kala ki kuatenena o phonda mu mbunda ia muthu, kiene ue ki nga kutila kokuami o dibhata dioso dia Izalaiele ni dibhata dioso dia Juda, eme Jihova, nda a ngi kale mundu uami, mu dijina, ni diximanu, ni mu fuma; maji kubhana mátui a ki tokoka.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Jelemiia 8:3

Oso-phe o masubhu a kà subhuka ku muiji iú ua iibha, enhó a kʼènda o kufua o muenhu ka-nda ku uinda, oso a-nda kusubhuka mu ididi muoso mu nga a takuila, Jihova dia Ilombo Ieta ua ki tange.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 5:1

Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 5:1

Ivenu maka iá, mbimbi iami ngi i zangumuna mu ku mi dila enu, mu dibhata dia Izalaiele.

Mikeia 2:3

Ngana kiene kia ki tangela, uixi: Muiji iú nga u kanena ku u bhanga phulu, hádia ia a kuata bhu xingu, ni ku di sukununa-bhu, a lémbua; ki mua kà tena kuenda dingi ni ku di zangeleka, mukonda kia kà kala kithangana kiaiibha.

Mikeia 3:1

Eme anga ngi zuela dingi, ngixi: Ivenu kindala, enu mu atumini a Jakobo, ni enu mu jingana ja dibhata dia Izalaiele: Ki kia mi fuama enu, kuijiia kioso kiaiuka?

Sofoniia 2:5

Lamba dia ió oso a tungu ku ndundu ia kalunga, kokolo dia mundu ua ifuẋi ia akua Keleta! Kizuelu kia Jihova kia kà tula kokuenu enu mu akua Kanana, mua tunga mu ixi ia akua Fidíxia; nga kà mi muanga katé ni umoxi ngó kaxala-ku, u tunga momué.

Dijingunuinu 2:29

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!