Amoji 2:9 - O Mikanda Ikola

⁹ Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Amoji 2:9 ပူးပေါင်းရင်းမြစ်များ

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

I Malunda 1:14

Ni Jijebuzé, ni Ji-amolé ni Jijidingazé,

Jobe 18:16

Bhoxi, jindanji jê ja kà kukuta, o jithangu jê bhulu ja kà lela, a kà ji batula.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 34:11

Aiuka kiambote kioso ki ngi ku ambela kizuua kia lelu; nga-nda kukaia bhu pholo ié, o Mamodi, ni Makanana, ni Mahiti, ni Mapelezi, ni Mahivi, ni Majebuzi.

Izaía 10:33

Maji talesa, Muadi Jihova dia Ilômbo Ieta, ua-nda ku mu kumbula o jithangu, ni njinda, o thangu ja lebhelelʼojo a kà ji saúna, joso ja dizangeleka ja-nda kuia bhoxi.

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Izekiiele 17:9

Zuela-kiu kuila: Jihova Nzambi uambe kiki: Mbé muvide uenhó u kala ni kuzediua? Muene ka-nda kua kà u vuza o jindanji, anga ua kà u batula o ibundu iê, phala u kukute? ua kà kukuta muene ni mafuakasa oso a jithangu jê; ki kia kà bhinga-phe lukuaku lua dikota, mba ndumba dia athu, a kà u vuza ni jindanji jê.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Dialuilu 32:13

Njinda ia Jihova anga i uama kua Izalaiele, anga u a nhungisa mu kikangalakata mu makuinhi auana a muvu, katé muiji uosuʼô ua bhangele kiaiibha ku mesu a Jihova, ua jila.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

Josuué 10:12

Bhenhobho Josuué u ambela Jihova, mu kizuua Jihova kia bhakula a-Mamodi bhu lukuaku lua anʼa lalaiele, u zuela bhu mesuʼa akua Izalaiele, kuila: Dikumbi, imana hanji mu Ngibiione, eie ue, u mbeji, imana mu Dikôlo dia Ajalone.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.