Amoji 2:7 - O Mikanda Ikola

⁷ Ngadiama, ua tate, ene a mu fufujula o mútue mu mavu; o njila ia athu a lenduka a i bhengeleka; anga ela ni tata ni mona a bokona kilumba kiâ kimoxi, mbebhu kuxingisa o dijina diami di kôla.

Amoji 2:7 ပူးပေါင်းရင်းမြစ်များ

II Samuuele 12:14

Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

I Jisobha 21:4

Bhenhobho Akabe uiza ku bhata diê, ua luuala o ku muẋima kua mu dimbuluka ni kuthathamana, mukonda dia kizuelu kia Nabote, mukua Jizeleele, kia mu tangela, uixi: Ki ngi tena ku ku bhana o undundu ua ngi xila jitata jami. Anga uiza, u zeka mu hama iê, ni pholo ia biluila ku mutôto, anga u dituna o kudia mbolo.

Jisabhu 28:21

O kuxila athu mukonda ngó dia jipholo, ki kiauabha; kuma mukua katungu ka athu, ua soko-bho kuta kituxi, mukonda ngó dia kakibhasu ka mbolo.

Izaía 10:1

Lamba dia ió oso a bhana jingonge ja mangonha! Lamba dia asoneki akua kusoneka jingonge ja ku talesa athu hadi!

Izaía 10:2

Mbé kubhanga o phulu mu ku fundisa o jingadiama ni kukatula o kulunga ku jiphulungu ja mundu uami; phala o kubhûnda atudi, ni kunhana o jihukunhu.

Izaía 3:14

Jihova iú uiza phala kufundisa o ikulakaji ia mundu uê ni ilamba iâ; mukonda enu muene mua jikinisa o dibhia didi dia mivide; o ima i mua nhana ku jingadiama, iii mu jinzo jenu.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izekiiele 22:11

Iú ua bhange ufusa ni muhatuʼa mukuá momué; o ió ua kasanesa kiá muene mukaji a monʼê; o mukuá dingi ua te jiphanda, muʼaxaxi kê-eie, ni phangiʼê ia muhatu, monʼa tatʼâ.

Izekiiele 36:20

O kia zubha kubhiẋila ku miji kua di texila, o dijina diami di kôla a di kasanesa, mbata a kexi mu ku a zuela, exi: O iá ene o mundu ua Jihova, o mu ixi iâ a tundu-mu.

Hozeia 4:14

Eme, anʼenu a ahatu kia bhanga uuaia, ni akaji a anʼenu ki a ta jiphànda, ki nga-nda ku a kaxtikala-ku; mbata o malʼâ ene, ni jitata jâ, a di texi ni idianzunga, o mu kubhana jisata aia kumoxi ni iuaia; mukonda o mundu ua kambe kilunji ua kʼaia mu dibuikilu.

Ijila 18:15

Mukajiʼa mona eie ku mu vungunune o tuẋi iê; o ió muhatuʼa monʼé; eie kana ku mu zakula nʼu mu mono o tuẋi iê.

Ijila 18:21

Kana kukatula muhatu ku mbutu ia tundu momuʼé phala ku mu bhakula ku sata ia lubhandu lua dihamba dia Mulôko; Kikôla! Kiókio kuselula dijina dia Nzambi ié. Eme Jihova.

Ijila 18:8

Mukajiʼa tatʼenu eie kana ku mu vungununa o tuẋi iê; se ua mu tale o tuẋi iê, tatʼenu ua mu tale.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Amoji 8:4

Kienhiki ivenu-kiu enu muala kuinda kujikinisa o phulungu, o jingadiama mu ngongo enu mu sota ku a bhanga phulu.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Mikeia 2:9

Ahatu a akua muiji uami, enu mu a kaiesa mu jinzu jâ ja zolele kiavulu, mua kexi mu kusangulukila jinga; o diximanu di nga kexile kutambula-phe ku tuana tuâ, enu mua di katula-ku.

Sofoniia 3:3

Adiakimi a mu kala ku pholo, jihoji ja bhane mu kanu ni kuhunza muʼaxaxi kʼê; o afundixiʼê ala imbungu ia ngoloxi, ki i xisa ifuba phala mungu.

Loma 2:24

Kala kia ki soneka mu Mikanda Ikôla, exi: Mukonda dienu, enu mu Jijudé, o dijina dia Nzambi a di xingi muʼaxaxe ka matumbu.

I Kolindo 5:1

Kia fumana kuma sai mudienu undumbu, undumbu uene ua bhingi né ku matumbu ki u moneka. Kuma ngʼ evu kuila sai diiala mudienu ua sakana ni manhʼâ ia katumba, mukaji a tatʼâ!