Amoji 2:6 - O Mikanda Ikola

⁶ Jihova uambe kiki: Izalaiele kia tondala lutatu ni luuana, kibetu kiê ki ngi mu katula-kiu; mukonda muene muthu uambote u mu sumbisa mu mulambôngo; o ngadiama ua bhindama, u mu sumbisa mu phadi ia jisabhatu.

Amoji 2:6 ပူးပေါင်းရင်းမြစ်များ

II Jisobha 18:11

Anga akua Izalaiele a a balakala ku Asídia kuala sobha ia Asídia; iú ua a tumikisa ku Hala ni ku Habolo, kua zukama ni ngiji ia Ngozane ni mu jisanzala ja akua Mediia phala a tunge momo.

II Jisobha 18:12

Kuma a fulu kutumaka o dízui dia Jihova, Nzambi iâ, o kikutu kia te-nâ Jihova, ene a ki tundu ufe; o ioso ia a tendelela Mozé, o mukalakadi ua Jihova, ene nguâ-uâ ku ivua, nguâ ku i bhanga.

Izaía 10:2

Mbé kubhanga o phulu mu ku fundisa o jingadiama ni kukatula o kulunga ku jiphulungu ja mundu uami; phala o kubhûnda atudi, ni kunhana o jihukunhu.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Izekiiele 22:13

Eme nga beta ku maku mami mu ku zoka ni unjenje ué, u ua bhange, ni mukonda dia kihaxi kia manhinga kia bhiti momué.

Jouele 3:3

Kifuẋi kiami a ki tela muondona, a bhana kamona ka diiala mu ku tambula muhatu ua ndumbu, kamona ka muhatu a mu sumbisa mu vinhu, mbé o kúnua.

Jouele 3:6

Anʼa Juda ni anʼa Jeluzaleme mua a sumbisa ku ana a akua Ngeléxia, phala a ambate mbebhu ku a xinjikila dikanga mu jimbambe ja ixi iâ.

Zakadiia 11:5

Mbata oso ene ku ji sumba, aia ni ku ji jibha; ki bhuala muthu u a ebhula kuma oso ala mu ku ji sumbisa a mu kuila exi: Nzambi a tane-ku, mukonda eme nga kituka kiá ngi mvuama! o abidi ue kene ngó ku ji kuatela henda.