Amoji 2:4 - O Mikanda Ikola

⁴ Jihova uambe kiki: Juda kia tondala lutatu mba luuana, kibetu kiê ki ngi mu katula-kiu, mukonda o ngonge ia Ngana a i tènde, o itumu iê a tokoka o ku i bhaka, kia a kala kota o ku diehelela ku makutu ma jinzambi jâ ene-muène, kala kienda jinga o jitata jâ.

Amoji 2:4 ပူးပေါင်းရင်းမြစ်များ

II Jisobha 17:19

Katé ni Juda muene ue, ua lémbua o ijila ia Jihova, Nzambi iê; akua Juda kia beta ku a uabhela, o kuenda mu jingonge ja Izalaiele, ja di-bhangela ene-muene ngó.

II Malunda 25:14

Anga ki bhita kuila, kioso Amaziia kia vutuka kuele mu kujibha akua Idumeia, ueza ni jinzambi ja anʼa Seíle, ua ji kiti nzambi jê, iú ua ji fukamena, iú ua jiʼohela uasu ua dizumba.

II Malunda 30:7

Ki mu kale kala o jitata jenu, mba muʼila kala o jiphange jenu a tondalela Jihova, Nzambi ia jitata jâ, o mukonda dia kienhiki, muene iu ua a tula mu kibuika, kala ki mua mu ki monʼiki;

Nehemiia 1:7

Tua ku bhangela ima ia bolo muene kinéne, ni ijila ié ki tua i kuata; ni itumu ié, ni jiphangu ja mabatuilu mé, ji ua tumine kua ngunza ié Mozé, ki tu ji aiuka.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Jelemiia 16:11

Eie-phe ua kà a tangela uixi: Mukonda jitata jenu a ngi xisa, eme ngi Jihova, ia a kaiela jinzambi jengi, ia a ji bheza, ia a ji diundila, eme ia a ngixi, o kitumu kiami ku kiaiuka, nguâ.

Jelemiia 16:12

Enu-phe mua beta ku zanga, o jitata jenu ndenge; mbata, talesa hanji muthu ni muthu mudienu kia kuata ku kaiela kia mu tumu o muẋima uê ua kubhukumuka, mbé o kufula ku ngi bhana eme o mátui.

Jelemiia 17:27

Maji o ki mu fula ku ngi bhana o mátui, phala ni mu kolesa o kizuua kia Sabhalu, mbé mu fule o kubheka kimbamba kioso-kioso, mu ku bokona bhu mielu ia Jeluzaleme mu kizuua kia Sabhalu, bhenhobho-phe eme nga-nda ku bambula túbhia ku mabhitu mê, anga tu buikisa mazemba ma Jeluzaleme, o tuenhutu ki tua kà jima dingi.

Jelemiia 6:19

Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Jelemiia 8:9

O jinjimu sonhi ja a kuata, a a tukumuisa ia a a kutu: Oko a tènde o kizuelu kia Jihova; unjimu uahi-phe ua kala na-u?

Jelemiia 9:14

O Kiala-bhu a kaiela ngó kia a tumu o muẋima uâ, ni kukaiela o mahamba ma Bale, ma a longesa kuala o jitata jâ.

Izekiiele 13:22

Mbata enu o muẋima ua muthu ua iuka mua u bhekesa dilamba ni mangonha menu, o muene eme ki ngi mu tatesa; enu mua suinisa o maku a mukua phulu, phala mu njila iê iaiibha ka tundu-mu, nʼa kole muenhu;

Izekiiele 20:13

Maji-phe o dibhata dia Izalaiele a ngi ẋinukina mu kikangalakata, hé a di tuna o kuenda mu jingonge jami, o mabatuilu mami a ma tènde, a bhingi se o muthu u aiuka, muene mua muena o muenhu; o jisabhalu jami a ji sebulula kinéne; anga ngiia ngixi: nga-nda ku lundulula o njinda iami ku thandu diâ mu kikangalakatʼumu, phala ku a jikinisa.

Izekiiele 20:16

kuma o mabatuiluʼami a a tènde, ia a fulu kuenda mu jingonge jami, o jisabhalu jami a ji sebulula; mukonda o muẋima uâ ua kexile mu kaiela o iteka iâ.

Izekiiele 20:18

Maji, o anʼâ, eme nga a tangelele mu ixi ia kisèkele, ngixi: Kana kuenda mu jingonge ja jitata jenu, mba muʼaluka o mabatuilu mâ, mba mu di kasanesa ni iteka iâ.

Izekiiele 20:24

mbata o mabatuilu mami ka ma bhange, o ngonge jami a ji tènde, ia a sebulula o jisabhalu jami, o mesu mâ a ma lungisa mu ku kaiela o iteka ia mahamba ma jitata jâ.

Izekiiele 20:30

Kala kiki, o dibhata dia Izalaiele ambela-diu, uixi: O Jihova Nzambi uambe kiki: Mua muia ni ku di kasanesa enuʼenu, kala kia jitata jenu? Enu mua mu di bhanga mu jindumbu ni isunji iâ ene?

Izekiiele 22:28

O misesedi iâ, ene mu ku a bebela ni hâla ki iòtoue, aia ni kumona kingoho, a zumbula makutu, exi: O Jihova Nzambi ua zuela kiki; manhi o Jihova muene ka zuela kima.

Izekiiele 22:8

O imbamba iami ikôla ua i buakulula, o jisabhalu jami ua ji sebulula.

Hozeia 12:2

Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Hozeia 12:3

O kia kexi hanji mu divumu ua naminine mu kasènde ka phangʼiê, o kia bhixila kiá mu ukota, mu kuvula nguzu ua bhânge ni Nzambi.

Hozeia 6:11

Eie ue, Juda, kua ku xikamena o ku ku muna, kioso ki ngi bhuisa-ku o ubhika ua mundu uami.

Amoji 1:3

Jihova uambe kiki: Damasku kia tondala lutatu mba luuana kibetu kiê ki ngi mu katula-kiu; kuma Ngiliiade a mu bhange mixinga-mixinga ni jifelu.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Habakuke 2:18

O kiteka-phe kiósonge kualʼo hete ia kusonga, kia sedivilaʼhi? O kiteka kia kuzunza ue, ki longa o makutu, kia sedivilaʼhi phala o ua ki bhange a dielele o kikakalalu kiê, na kuate kubhanga ima ki itena kuzuela?

Loma 1:25

Kuma ene o kidi kia Nzambi a ki tolokala mu makutu. A bheza kima kiobhange kua Nzambi, a ki bhikila, o Muène ua bhanga ioso a mu xia, ua jîngi sé dizubhilu. Amén!

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.