Amoji 2:2 - O Mikanda Ikola

² Mukonda dia kiki, Mouabhe ngi mu ta mu túbhia, tuene ni tu jikinisa jinzu ja matala mu Kidiote; o Mouabhe ua kà fila mu kilungutu kionéne, ni mutendu ua ita, ni kuxika koloneta.

Amoji 2:2 ပူးပေါင်းရင်းမြစ်များ

Izaía 9:5

Mukonda o ibhakatu iene ioso ia ió a kexi mu kúlua ni kilungutu, ni izuatu ia dimbujukile mu manhinga, a kà ioha, ia kà kituka luandu lua túbhia.

Jelemiia 48:24

ni kua Kidiote, ni kua Bozola; katé ni ku jimbonge joso ja ixi ia Mouabhe, kixi jala makanga, uixi jala bhua butu.

Jelemiia 48:34

O ku dikola kua Hexebone a kuʼivu katé ku Eleale ni ku Jahaze, tundé mu Zouale katé mu Holonaime mbimbi iê ia kudikola a ivu, iedi muene kala mona ua ngombe ua mivu itatu; mukonda katé ni menha ma Nidimi a kà kituka dibuikilu.

Jelemiia 48:41

Jimbânza a ji tambula, o jimbonge a ji bhundu, bhu kumbiʼ-ʼodio o muẋima ua mazonda ma Mouabhe, ua kà di bhanga kala o muẋima ua muhetu kia kala bhu mika ia kuvuala.

Jelemiia 48:45

A kexile mu kulenga, nguzu jabhu ia a sukamena mu kilembeketa kia Hexebone; maji túbhia tua tundu mu Hexebone, ni mulengu mu kaxi ka Sihone, ua jikinisa thungi ja Mouabhe ni nguzu ia iiala ia bhumu.

Izekiiele 25:8

O Jihova Nzambi uambe kiki: Mukonda kiedi kala kia mu tanga Mouabhe ni Seíle, exi: Tala, o dibhata dia Juda diedi kala o miji ia mukuá;

Amoji 1:14

Mukonda dia kiki, kimbaka kia Labá nga kà ki ta mu túbhia, tuene ni tu jimisa jinzu jâ ja matala-matala, ni ku di kola mu kizuua kia ita, ni kibhungu mu kizuua kia kubhondalala.

Amoji 1:4

Kiene ki bhangesa kuila inzu ia Hazaile nga kà i ta túbhia, anga tu dia ni jinzu ja matala jala mu Bene-Hadade.