Amoji 2:15 - O Mikanda Ikola

¹⁵ Uambata mufula ka di fike kuila uà kèmana; ua lenguluka inama ue ka kà tena ku di kudila phala nʼa bhulaka, mba ngó bhuòfele-fele uoso ua sambela ku kabalu kuila ua kà bhulula muenhu uê, lémbue!

Amoji 2:15 ပူးပေါင်းရင်းမြစ်များ

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Izaía 31:3

Kuma akua-Ijitu, ki Nzambi, kana, athu ngó; o jikabalu jâ, xitu ngó, ki nzumbi kana; o kioso Jihova kia kà sunununa lukuaku luê, ku tale o mukuatekexi uixi iú a mu mu kuatekesa, ene oso a kà di bhala bhoxi anga a kà buikila kumoxi.

Jelemiia 51:56

Mukonda o mubuikixi ua-nda ku muʼendela, ua-nda kuendela Babilonha, o mazonda mê ua kà ma kuta, o mifula iâ ua i bukujula kiá; mukonda Jihova, Nzambi uavu o futu, ua kà mu vutuila kioso kia fuama.

Izekiiele 39:3

anga o mufula ué ua ku kala bhu lukuaku lua kiasu ngi ku katula-na-u, o misongo ia ku kala bhu lukuaku lua kadilu ngi ku laúla-naiu.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.