Amoji 2:11 - O Mikanda Ikola

¹¹ Mu kaxi ka anʼenu nga zangumuna-mu amoximu phala kukala jipolofeta, o mu minzangala ienu mua tundu jinaziléu. Jihova uixi: Abha, enu mu anʼa Izalaiele, manhi ki kiene ki kia bhiti?

Amoji 2:11 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 18:4

Mukonda kia bhitile kiki kuma, kioso Jezabele kia kuata kujibha jipolofeta ja ngene ja Ngana, Obadiia-phe ua sueka-ku hamʼa jipolofeta; anga u a bhaka mu dibànda ku ibuka ia makuinhʼatanu-makuinhʼatanu, anga u kala mu ku a dikila ni mbolo ni menha.

I Jisobha 19:16

Jehu ue, monʼa Nimisi, ua kà mʼunda ku usobha ua Izalaiele; o Ilizeu ue, monʼa Safate dia Abele-meola, ua kà mʼunda polofeta phala a bhingane bhu kididi kié.

I Jisobha 20:13

Bhenhobho polofeta imoxi u zukama Akabe, anga u mu ambela, uixi: Ngana uambe kiki: Eie ua mono o kifuẋi kioso kiavulu kiki? Talesa kuma, lelu muene nga-nda ku ku bhana-nâ bhu maku mé, nda uijiie kuma ememuène ngi Ngana.

I Jisobha 20:35

Bhenhobho umoxi mu anʼa jipolofeta, mu kizuelu kia mu tumu Ngana, uambela mukuá, uixi: Ndoko, ngi kuame. Anga mukuá u dituna ku mu kuama.

I Jisobha 20:41

Bhenhobho muene u kukumuna lusolo o utôkua mu mesu mê; anga sobha ia Izalaiele u mu ijiia, kuma ua tokala mu jipolofeta, musesedi.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

II Jisobha 17:13

O Jihova iú ua bazela jinga Izalaiele ni Juda ku ukunji ua misesedi iê, ni ku mizambuidi ioso, uixi: Ku jinjila jenu ja ibha tundenu-ku, muende ni kubhaka o ijila iami ni jingonge jami, kala kiambe o kitumu kioso ki nga tendelela ku jitata jenu, eme ue ngi mi tumikisa na-kiu ku ukunji ua abhikʼami, o misesedi.

II Jisobha 6:1

Anʼa jipolofeta anga ambela Ilizeu, exi: Tala, o kididi mu tua tungu bhu pholo ié, kia tu tolela, kuma kia bhoto.

II Malunda 36:15

Anga Jihova, Nzambi ia jitata jâ u a tumikisa o kizuelu kiê ku jiphunga jê. U di meneka muene mu ku a tumikisa na-kiu. Mbata jihenda ja mu kuata ja mundu uê ni ja dibhata diê.

Jelemiia 11:21

Uila kiki, Jihova uambe uixi: ku mbandu ia mala mu Anathothe ala ku sota ku ku jibha, exi: Kana ku kuata upolofeta mu dijina dia Jihova, phala kufuile bhu maku metu.

Jelemiia 2:31

Enu muiji ua kime! Suuenu maka ma Jihova: mbé ki ngalʼeki nga di bhange ngi kikangalakata kiahatu kua Izalaiele? inga nga di bhange ngi mukáu ua kitombe kiedi bui? Phalahi phe mundu uami, uila: Etu tua batuka kokué; kokué ki mungu dingi tuiza-ku?

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Jelemiia 26:11

Bhenhobho jinganga ni jipolofeta a tangela adiakime a Juda ni mundu uoso, exi: Muthu iú, muedi ua kúfua, mukonda enuʼenu mua dʼivila-kiu ni mátui menu kioso muene kia zambula o mbungula ku mbonge iii.

Jelemiia 7:25

Tundé mu kizuua kia tundile jitata jenu kʼoxi ia Ijitu, katé leluʼidi, nga kuata ku mi tumikisa jiselevende jami joso, o jipolofeta, izuua ioso kukia ngó, nga a katula, ngixi ndenu.

Kuditenda 4:7

O ilamba iê ki ia kexi, mu kulekujuka neve ndenge; o mu kuzela ue kota o lete ndenge; o mu kusuka mikutu, ene kota o makoladi ndenge; aẋanana kiambote, katé mu kulujela a somboka o jisafídia!

Mikeia 2:6

Ki mu tange maka ma upolofeta; akua kutanga maka mu upolofeta kà ka ki zuele dingi kuila jisonhi ki ja-nda ku tu bhua.

Jipoxolo 4:18

Ene anga a exana, hé a a tendelela, exi: Ki mi kale lumoxi! Kana kutanga mba kulonga mu dijina dia Jezú!

Jipoxolo 5:28

Etu tua mi kidika kiavulu o kulonga mu dijina didi dia muthu iú. Talesa-phe, kioso ki mua bhange! Mu ezalesa Jeluzaleme ioso ni kulonga kuenu, enu mua mesena o kalunga ka muthu iú mu tu tula na-ku ku thandu dietu!

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

I Samuuele 19:20

Kia zubha-phe kusanga o kilunga kia jipolofete ala mu ximana ni kutanga uanji ua upolofeta, ni Samuuele uemana kuma muene mesene iâ, Nzumbi ia Nzambi hé uiza ku thandu dia jiphunga ja Saúlo, ene uâ anga a kala mu ximana ni kutanga uanji ua upolofeta.

I Samuuele 3:20

Izalaiele ioso anga a tuma ku kʼijiia, tunde ku Dani katé ku Beele-seba, kuma Samuuele a mu xikika mu kukala polofeta ia Jihova.