Amoji 2:10 - O Mikanda Ikola

¹⁰ Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Amoji 2:10 ပူးပေါင်းရင်းမြစ်များ

Nehemiia 9:21

Hé u kuata ku a disa kienhiki mu makuinhʼauana a mivu mu kikangalakata; kana kima kia a kambele; o izuatu iâ ki ia kukile, o inama iâ ki ia jimbile ni kuenda.

Jisálamu 95:10

Muiji uenhú anga a ngi kuma mu makuinhi auana a mivu, ngixi: O iá athu ala ni mixima ia kudianguka! o jinjila jami a lémbua ku jʼijiia!

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Izekiiele 20:10

Eme nga a katula muene mʼoxi ia Ijitu, eme ngaii-nâ mu kikangalakata.

Amoji 3:1

Ivenu kizuelu kia Jihova, uala kuzuela mu kuzoka ni enu, mu anʼa Izalaiele, enuʼoso mu muiji nga mi tombola mu ixi ia Ijitu, kuamba:

Amoji 9:7

Jihova uixi: Enu mu anʼa Izalaiele, manhi kokuami ki mu sokela ni anʼa akua Itiiopia? Manhi ki eme muene nga bandesa Izalaiele mu kutunda mʼoxi ia Ijitu, kala kia tundu akua Fidíxia ku Kafitole ni akua Sídia ku Kile?

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Dialuilu 13:32

Ixi iele mu kulonda, a kuata ku i bha fuma iaiibha ku anʼa Izalaiele, exi: Ixi i tuele kulonda ixi iaiibha, iala mu kúdia mienhu ia athu a tungu momo; akuaʼxi momo akua kitala kialebha.

Dialuilu 21:25

Izalaiele anga a tambula jimbonge josuʼiji; Izalaiele anga a tunga mu jimbonge ja akua Amone, mu Hexebone ni tusanzala tuê tuoso.

Dialuilu 32:13

Njinda ia Jihova anga i uama kua Izalaiele, anga u a nhungisa mu kikangalakata mu makuinhi auana a muvu, katé muiji uosuʼô ua bhangele kiaiibha ku mesu a Jihova, ua jila.

Jipoxolo 13:18

Anga u tenesa makuinhi a uana a mivu ni kulendukila o kubhuma kuâ mu kikangalakata.

Jipoxolo 7:42

Maji o Nzambi-phe ua a sondoloka, iú ua ehelela kusedivila o kifuẋi kia jithethembua ja diulu, kala kia ki soneka mu divulu dia jipolofeta, exi: Kifua Eme-muene mua ngi bhakuilile jixitu jojibhe ni jisata, mu makuinhi a uana a muvu mu kikangalakata, enu dibhata dia Izalaiele?

Matendelelu 1:39

O anʼenu-phe, u muedi, muixi: Anda kukituka mbole, o anʼenu a kambe o kuijiia kiauabha ni kiaiibha leluʼidi, ene a-nda kukutuka-mu, ene nganda ku a bhana-iu anga a iʼvua.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Josuué 13:4

ni Mahivi oso tunde ku sulu, oxi ioso ia Makanana, ni Meiala, ia tokala akua Sidonha, katé ku Afeke, ni ku jimbambe ja Mamodi;

Josuué 24:8

Kiene kiua ki nga mi bheka mʼoxi ia Mamodi, a tungile ku sámbua koko dia Njolodá. Enhá-phe a bhangele nʼenu, maji eme-phe nga mi tula-u bhu lukuaku luenu, enu anga mu vua o ixi iâ, ene ia nga a buikisa ku mesu enu.