Amoji 1:3 - O Mikanda Ikola

³ Jihova uambe kiki: Damasku kia tondala lutatu mba luuana kibetu kiê ki ngi mu katula-kiu; kuma Ngiliiade a mu bhange mixinga-mixinga ni jifelu.

Amoji 1:3 ပူးပေါင်းရင်းမြစ်များ

I Jisobha 19:17

Anga kia kà kala-phe kuma, uoso u subhuka ku xibhata ia Hazaiele, a kà mu jibha kuala Jehu; o uoso u lenga ku xibhata ia Jehu, a kà mu jibha kuala Ilizeu.

II Jisobha 13:3

Anga o njinda ia Jihova i uama ku thandu dia Izalaiele; Nzambi hé u a bhakula bhu lukuaku lua Hazaiele, sobha ia Sídia, ni bhu lukuaku lua Benehadade, monʼa Hazaiele, izuua ioso ieneʼoio.

II Jisobha 13:7

Mukonda o Jouakaji muene ue ka mu xila dingi mala a ita, kikale ngó makuinhi a tanu a ió ene mu kusambela jikabalu, ni dikuinhi dia makalu ni kuinhi dia midi ia muthu a tena kuimana; mbata o sobha ia Sídia ua a sengulula iú ua a bhange kala fufutila ia mavu, ni ku a zuka-zuka.

II Jisobha 16:9

O sobha ia Asídsia iú ua mu ivu muene; mbata o sobha ia Asídia ua bande iú ueza mu kukonda Damasku, iú ua mu tolola; o mundu ia keximu ua ambata iú uai-nâ ku Kîdi, o Lejime ua mu jibha.

II Jisobha 8:12

Kuala Hazaiele: Eie nganʼami, u didilaʼhi? Muene-phe, uixi: Mukonda o phulu i ua-nda bhanga anʼa Izalaiele nga ijiia kiá; o imbaka iâ ua-nda kua kà ioha mu túbhia, o minzangala iâ ia mala ua-nda kua kà a jibha ku xibhata, o tuana tuâ ua kà tu sanujuna, o ahetuʼâ a kà kala mu mikutu iiadi, ua-ndo kua kà a bazesa o mavumu.

Jobe 19:3

Lukuinhi kiá mua ngi bazela ni nguzu, ki muala ni jisonhi ja ku ngi kolela muxima?

Jobe 5:19

Ua kà ku bhulula mu makubhondalala ma samanu; o lua kasambuadi ku ibha ki ku ku bhixila.

Jisabhu 6:16

Ima isamanu iii Jihova ua di zemba na-iu, o kia sambuadi-phe kua muene kisunji:

Ndongixi 11:2

Ioso i uala na-iu uana ni sambuadi, né hanji mu dinake dia muthu, uanenu, mukonda eie kuijiia se mu ngongo hádia ku pholo kua-nda kuiza hadi iahi.

Izaía 28:27

Kuma ji-eleviiaka kene ku ji beta ni muxi ua kuvundila; o kominhu ue kene ku i bhitisa malola ma dikalu ku thandu diê; hé kima, ji-eleviiaka u ji vunda ni mbangala, o kominhu-phe u i beta ni kamuẋi ngó.

Izaía 41:15

Talesa, nga ku bhange u kivundilu kióbhe kia songoloka o jisungu; ua kà sengulula o milundu, anga u i titila, o tu thuthulundu u tu bhanga kala isaxi.

Izaía 7:16

Kia kidi kiene, kioso mona iú kiluua eza mu kitala kia kuijiia ku di tuna kia iibha ni kusola kia uabha, jixi ja jisobha jiiadi jiji, ja ku kuatesa uoma, ja kà buika.

Izaía 7:8

Inda o Damasku muene ua kala mútue ua Sídia. O muadiakimi mu Damasku, Lejime; Ifalaími-phe, katé bhu bhuila makuinhi asamanu a mivu nʼitanu ngi mu tolojola, ka kala dingi kifuxi.

Izaía 8:4

Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.

Amoji 1:11

Jihova uambe kiki: Idomo kia tondala lutatu ni luuana, kibetu kiê ki ngi mu katula na-kiu; mbata phangʼiê ua mu zuididika ni xibhata, henda ioso ia undandu ngué na-iu; njinda iê i jiza ni ku sanujuna ku mivu ni mivu, o kuluuala kuê ki kuene mbambe.

Amoji 1:13

Jihova uambe kiki: Anʼa Amone kia tondala lutatu ni luuana kibetu kiâ ki ngi ki katula; mukonda, mu ku sota ku zanzesa o jimbambe jâ, a tandula ahetu ala ni mavumu mu Ngiliiade.

Amoji 1:6

Jihova uambe kiki: Ngaza kia tondala mu lutatu mba luuana, kibetu kiê ki nga mu xindi ki ngi ki katula; mukonda nzungule jihutile jʼambata mu ubhika ua ji ambatela ku ji bhakuila Idomo.

Amoji 1:9

Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.

Amoji 2:1

O Ngana uambe kiki: Mouabhe kia tondala lutatu mba luuana, kibetu kiê ki ngi ki katula; mukonda ifuba ia sobha ia Idomo ua ioha katé ki ia kituka hála.

Amoji 2:4

Jihova uambe kiki: Juda kia tondala lutatu mba luuana, kibetu kiê ki ngi mu katula-kiu, mukonda o ngonge ia Ngana a i tènde, o itumu iê a tokoka o ku i bhaka, kia a kala kota o ku diehelela ku makutu ma jinzambi jâ ene-muène, kala kienda jinga o jitata jâ.

Amoji 2:6

Jihova uambe kiki: Izalaiele kia tondala lutatu ni luuana, kibetu kiê ki ngi mu katula-kiu; mukonda muene muthu uambote u mu sumbisa mu mulambôngo; o ngadiama ua bhindama, u mu sumbisa mu phadi ia jisabhatu.

Zakadiia 9:1

Ubatuilu ua Jihova ua lungulukila ixi ia Hadalake ni ixi ia Damasku, o kibuta kiê, kuma Jihova mesu mê uene ku ma ta kuthandu dia athu ni kuthandu dia miji ioso ia Izalaiele.

Zakadiia 9:2

Ua tula ue ku thandu dia Hamate, ua su-nê mbambe, ni ku thandu dia Tilu ni Sidone, sumbala a di fika kuijiia kinéne.