Ajeu 2:6 - O Mikanda Ikola

⁶ Mukonda kiene kiambe Ngana Jihova dia Ifuẋi, uixi: Kua kambe ngó bhuòfele hinu ngi tungutisa dingi oxi ni diulu, ni menha ma kalunga, ni oxi ioso ia kukuta.

Ajeu 2:6 ပူးပေါင်းရင်းမြစ်များ

Jobe 9:6

Muene u tena kusondolola o mavu bhu kididi kiê, anga ngunji jê ji tunguta muène.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 37:10

Bhu bhita ngó kathangana, mukua phulu-ó ubhua athu ku mesu; u tala kiambote, bhu kididi kiê kala-bhu dingi.

Izaía 10:25

Mbata kua kambe ngó kathangana kófele, o kutema kuami ni njinda iami ia-nda ku di bhanga phala ku a jimisa o mbutu.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 29:17

Kifua nga mono muxitu ua Libano ku u kitula mavu ma idima, muʼanzanzuʼmu, unanga? Inga o mukáu ua kudima, o ku u kitula muxitu, ubhonza?

Izaía 34:4

O ilômbo ioso iene bhulu ia kà buika, o maulu má kà di-futa-futa kala ndunda ia divulu; kilômbo kiê kioso anga ki laùka kala ki laúka dife ku muvide, mukua ni ki sonoka o kibundu ku mufiku.

Jelemiia 33:14

Tala, izuua í iza, eme ngi Jihova, ki nga-nda kutenesa kizuelu kia iuka ki nga zuela ku mbandu ia dibhata dia Izalaiele ni dibhata dia Juda.

Jelemiia 51:33

Mukonda Jihova dia Ifuẋi, Nzambi ia Izalaiele, uambe uixi: O monʼa kilumba ua Babilonha uedi kala dizanzu (kienda) bhu kumbi dia kuvunda jimbutu; kua mu xala ngó kithangana kumbi dia kumuna di bhixila.

Izekiiele 38:19

Mbata o mu muanu uami nga kiambe, ni mu kutema kua túbhia tua njinda iami, kuila o mu kizuuʼokio kua nda kukala kiteketela kia dikota mu ixi ia Izalaiele;

Izekiiele 38:20

kia kà bhinga katé ni jimbiji muʼalunga ja kà teketa bhu pholo iami, ni jinjila ja diulu, ni iama ia mikáu, ni ibamba ioso i zanzala bhoxi, ni athu oso kiabhu ala ku thandu dia mavu a ngongo; o milundu ia kà butumuka, o makôlo a kà sengumuka, o imbaka ioso ia kà di bhala bhoxi.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Jipoxolo 2:19

Nga kʼ èdikiza isumua mu diulu, ku thandu, ni idiuanu mu ngongo, bhoxi! Kua kà kala manhinga, túbhia, ni ifuke ia dixi.

Jihebeleu 10:37

Mukonda, kala kia tange o Mikanda Ikôla: Kuma kua kambe ngó kathangana, kathangana kʼ ofele muène, o Ió tua mu xikamena, uiza; uanda kuiza muène, ka kokoloka.

Dijingunuinu 11:9

Athu a tundu ku madiembu moso, ni miji ioso, ni madimi moso, ni ifuẋi ioso, a kala mú talesa ngó o imbi iâ mu izuua itatu ni kaxaxe, kehela ku i funda mu mbila.