Ajeu 2:5 - O Mikanda Ikola

⁵ Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

Ajeu 2:5 ပူးပေါင်းရင်းမြစ်များ

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Nehemiia 9:30

Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Makatukilu 19:4

Mua mono ioso i nga bhange kua akua Ijitu, enu nga mi ambata kala ku mabhabha a holokoko, eme nga mi bhiẋidisa kokuami.

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Makatukilu 24:3

Mozé anga uiza u tangela o mundu maka moso ma Jihova, ni mabatuilu mê ma milonga; mundu uoso anga etaia ni dízui dimoxi, exi: Maka moso ma tange Jihova, ene muene u tu bhanga.

Makatukilu 24:8

Mozé anga u katula o manhinga, u a sangela ku mundu, uixi: Talenu, manhinga ma kikutu, kia te Jihova ni enu, ku thandu dia maka osoʼá.

Makatukilu 34:10

Muene anga u zuela, uixi: Talesa, eme nga-nda ku ta kikutu ni eie. Bhu pholo ia mundu ué uoso, eme ngi bhanga madiuanu, a bhingi kiluua a a bhanga mu ngongo, kana kilômbo a ki muene kiá; ni mundu uoso a mi kala mu jimbandu hinu a mona o kukalakala kua Jihova; kuma ki kuatesa uoma, kima kioso ki ngi bhanga nʼenu.

Makatukilu 34:8

Mozé anga muʼanzanzʼomo, u bhetama pholo iê bhoxi, hé u bheza.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:13

Mbata eme, ngi Jihova Nzambi ié, ngi ku kuata mu lukuaku lué lua dilu; hé ngi ku ambela, ngixi: Ku kale ni uoma, eme ngi ku banda.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Zakadiia 8:15

kiene ue ki nga xinganeka lua mukuâ o kubhanga mbote kua Jeluzaleme ni ku dibhata dia Juda mu izuua muenhumu. Ki mu kale-phe ni uoma.

Matesu 28:5

Anju-phe i zuelesa ahatu, uixi: Ki mu kale ni uôma! Kuma nga mʼijiia, mua-lu sota Jezú a mu phaphele ku dikulusu.

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 8:1

Jihova anga uambela Josuué, uixi: Kana kukala ni uoma, kana kubhuuama. Katula makuenze oso a ita, u bande-nâ ku Hai; tala-ze, ni sobha ia Hai ni kifuẋi kiê, ni mbonge iê ni ixi, iene ioso nga i bhakula bhu makuʼé.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.

I Samuuele 12:20

Samuuele-phe u ambela o mundu, uixi: Ki mu kale ni uoma. Mua bhange kiá kiaiibha, kidi muene; kana-phe dingi kuabhuka mu kukaiela Jihova, bhikilenu kiá Jihova ni muẋima uenu uoso.