Ajeu 2:23 - O Mikanda Ikola

²³ Nzambi ia Ifuẋi uixi: Mu kizuuʼokio nga kà ku tambula eie Zolobabele, monʼa Selatiiele, selevende iami, hé nga kà ku bhanga mukuâ ni nela ia kutela idimbu, mukonda nga ku solo, eme ngi Jihova dia Ifuẋi.

Ajeu 2:23 ပူးပေါင်းရင်းမြစ်များ

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Mukumbi ua Mikumbi 8:6

Ngi te ku muẋima ué kala kidimbu, ngi te ku lukuaku lué kala kimaku mukonda o henda iala ni nguzu kala kalunga; o difuba mu ku di kaka dia soko ni mbila; o makala mê makala ma túbhia; diene di di fuangana mukuâ ni milengo ia túbhia.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 43:10

Enu-enu mu jimbangi jami, eme Jihova, ni selevende iami, nga mu solo bhene bhu mu kʼijidila, nda mu ki xikane, mu tongolole kuila, eme-muène Nzambi, ki kua kexidié Nzambi iengi ua ngi diangela iu ua di-iudika, o ku pholo ue ku tuia kana-ku nzambi iengi ua kà ngi bhingana eme.

Izaía 49:16

Talesa, nga ku soneka bhu mákanda a maku mami; o imbaka ié ia ngi kala ku mesu usuku ni muanha.

Jelemiia 22:24

Kala ki ngala ku muenhu eme ngi Jihova, Jekoniia mona a Nzuakí, sobha ia Juda, né hanji se ua kexile kadimbu ka nela ia lukuaku luami lua dilu, ngeji ku ku thathumuna-ku muene.

Matesu 12:18

Talesa selevende iami nga mu solo; mukua henda iami ua ngi uabhela muẋima; ngi ta Nzumbi iami ku thandu diê, a kà bheke kufundisa kua kidi ku matumbu.

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

I Phetele 2:4

Zenu-phe kua Ngana, o ditadi dia muenhu, diotende kidi ku athu, maji o kua Nzambi-phe diosole, dia ujitu.