Eneʼâ, ia ejiia kumoxi ni Zolobabele, ni Jesuua, ni Nehemiia, ni Selaia, ni Dilaiia, ni Moledekai, ni Bilisane, ni Mixpale, ni Bikivai, ni Lehu, ni Bahana. Dialuilu dia athu mu ixi ia Izalaiele, dienhidi:
Bhenhobho Zolobabele monʼa Selatiiele, ni Jesuua monʼa Jozadake, a balumuka, anga a mateka dingi kutunga onzo ia Nzambi, iala mu Jeluzaleme; ni ene kiá, kumoxi ni jinganga ja Nzambi ja kexi mu ku a kuatekesa.
Mu senguludienu! Mu senguludienu! Nga-nda ku mu sengulula hé ngi mu kambesa-bhu muene, katé kia kʼèza ió ua mu tokala mu kidi kiene, o kokué kuene ku nga kà mu bhana.
O Jihova Nzambi ua tange kiki, kua Tilu; O ikolo ki ia-nda kua kà teketa ni muxindu ua kinuminu kia kibhalu kié, kioso athu a mu a toma ki aia ni kukumba, mu kuila a mu bhanga kijibha ki kuatesa uoma muʼaxaxe ké?
Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.
Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:
Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.
