Ajeu 2:14 - O Mikanda Ikola

¹⁴ Bhenhobho Ajeu u a vutuila, uixi: Ngana uambe kuila: Kiene ue kiala o mundu uenhú, ni muiji uenhú ku mesu mami; ikalakalu ioso ia maku mâ, ni sata ioso ia ngi bhakuila eme, ia xidi muene.

Ajeu 2:14 ပူးပေါင်းရင်းမြစ်များ

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Hozeia 9:4

Jihova kanda kuenda dingi ni ku mu bhangela ilumbu ia vinhu, o jisata jâ ki ja-nda ku mu uabhela dingi; o mbolo iâ ia kèla kala mbolo ia thambi, oso a dia-ku a di kasanesa, mbata o mbolo iii ia kà soka ngó phala kudia kuâ, o mʼonzo ia Jihova ki ia kà bokona-mu.

Tito 1:15

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.

Juda 1:23

Amukuá mu a bhulula ni ku a nhangumuna mu tubhia. Amukuá mu a kuatela muene henda. Xi, amoximu-phe mu a lendukila ni uoma, maji mu kuzemba o ituxi, katé ni izuatu iâ ia kuata o maxaka ma jivondadi jâ, ja iibha lengenu-iu.