Ajeu 2:12 - O Mikanda Ikola

¹² se muthu uambata xitu iokolese ku sungu ia kizuatu kiê, o sungu ia kizuatu kiê anga i tuta ku mbolo, mba ku kúdia, mba ku vinhu, mba ku maji, mba ku kima kioso-kioso, kífua xitu ioio i kolesa o kimbambʼokio? O jinganga anga a vutula exi: Kana.

Ajeu 2:12 ပူးပေါင်းရင်းမြစ်များ

Makatukilu 29:37

Mu sambuadi dioso dia izuua, kalatódio u ka bhuisa ikuma, u ka kôlesa; kuma o kalatódio ka kôla kinéne; uoso u tula-ku ngó lukuaku muthu ukôla kiá.

Ndongixi 10:1

Mukuâ ni luhamue lua-fu, ki lu bhangesa o kutukumuka dizumba dia ibha, hé lu zanga unguendu ua mukua kuiudika ima ia mazumba ma mbote, kiene ue ki di bhanga o uôua uòfele ku muthu ua fumana ni unjimu.

Izekiiele 44:19

O ene, ki eza ku lumbu lua kanga, kuala o mundu, mu lumbu lua kanga, o izuatu ia bhange na-iu o ukunji a kà i zula, hé a i tula mu maxilu ma kôla, anga a kà zuata imbamba iengi, mbebhu o mundu ka kà u kôlese mukonda dia kukala ni izuatu iâ.

Ijila 6:27

Kima kioso-kioso ngoho ki di tuta-ku ku xitu ia sata iii, kima kiókio kikôla kiá; se ku manhinga mê ku sonokena dibêbe ku kizuatu kioso-kioso, kikale kizuatuʼokio a ki sukuila mu kididi kikôla.

Ijila 6:29

Diiala dioso ku jinganga, u diê-ku; kuma kima kikôla kinéne.

Ijila 7:6

Diiala dioso ku jinganga, ku sata iii u die-ku; a i dila-phe bhu kididi kikôla; kuma i kôla kinéne.

Matesu 23:19

Mu ifôfo! Ki kala kota kiebhi, o ujitu, inga o kalatódio ka kôlesa ujitu?

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.