Ajeu 2:11 - O Mikanda Ikola

¹¹ Jihova dia Ifuẋi uambe kiki: Ibhudisa hanji kindala ku jinganga, o kitumu, kuila;

Ajeu 2:11 ပူးပေါင်းရင်းမြစ်များ

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.

Tito 1:9

A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.