Ajeu 1:9 - O Mikanda Ikola

⁹ Muendi ima iavulu, maji mua kuata ngoho ia tolo; o ia tolo iii-phe, kioso ki mueza na-iu mʼonzo, eme ue nga i bhusué. Mukonda diahi? Jihova dia Ifuẋi, uixi: Mukonda dia inzu iami i mudielela, enu-phe mudienu kala muthu u lengela mu kulanga kiambote onzo iê.

Ajeu 1:9 ပူးပေါင်းရင်းမြစ်များ

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

II Samuuele 22:16

ikhobo ia musanza anga i moneka, katé madisesa maʼxi, ma xala ku kanga.

II Jisobha 19:7

Tala kuma eme, nga-nda ku mu ta nzumbi moxi diê, o muene ua kʼevua minumango anga u vutukila kʼoxi ié; o mʼoxi iê-muène, muene mua kà fuila ku xibhata.

Jobe 10:2

Nzambi nga-nda ku muʼambela, kuma: Kana ku ngʼelesa; ngʼijidise mba mukonda diahi Eie ua mu zoka ni eme.

Jisabhu 11:24

Sai-ku amoxi a bhana kiavulu, maji hanji-phe o jimbongo jâ jiia ni ku di-bandekeza; amukuá-phe asombuesa o unjenje, anga a bonga uíndua.

Jisabhu 27:20

Ni kalunga ni dibuikilu, kene kuikuta; ni mesu ma muthu ue kiene, kene kuila: Bhenhabha kuabhu hanji, bhua ngi soko.

Ndongixi 1:8

Ima ioso ienhiʼii i bhuidisa kinéne, kana muthu-phe u tena ku i jimbulula. O mesu ka zumbuka mu kumona, o mátui ue kʼezala ni kuívua.

Izaía 40:7

O iangu ilela, o itulu i lalumuka, kioso muha ua Jihova ki u bhuselela-ku. Kidi kiene, bá! O athu mukuâ ni iangu!

Izaía 5:10

Kuinhi dia kibelebele dia mivide, dia kà bhané ngó kizongelu kimoxi kia batu; o ua kunu homele ia mbutu, u munʼé ngó efa imoxi, toka!

Jelemiia 12:13

A kuu tiliku, a munu minha; a di tutumbisa ngó, maji ka katula-ku kima; idima i mua bhongolola ia mi kuatesa jisonhi, mukonda dia kutema kua njinda ia Jihova.

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Ijila 19:25

O mu muvu ua tanu, dienu-phe kiá ku ibundu iê; oxi-phe ia-nda ku mi bhana kuima kuanzungule; Eme-muène Jihova Nzambi ienu.

Ajeu 1:4

Kifua thembu iii phala enu kukala mu jinzu jauabha, o inzu iii ni ixale ngundu?

Ajeu 1:6

Mu kuna nzungule, mu bhongolola idima iòfele; mu dia muene, maji mu lémbua kuikuta; mu nuenu muene, maji dinhota dienu ki di bhu; o kuzuata mu zuatenunu muene, maji mbambi ienu ki ibhu, kuma ki mu tema; ni ió u kalakala, kia tambula o futu iê ku kizuua, u i tambuila mu saku ia kubuka.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Matendelelu 28:38

O ki u kuna idima iavulu ku mábhia, ku ku iza nguédia; u lémbua kumuna kia soko, mbé o kihoho kuenda ni ku idia iene ioso.

Dijingunuinu 2:4

Maji-phe nga ku êlesa kima kimoxi: Kuila o henda ié i uandekele na-iu ua i xi. Ku ngi zolo dingi kala ku dimatekenu.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.