Ajeu 1:4 - O Mikanda Ikola

⁴ Kifua thembu iii phala enu kukala mu jinzu jauabha, o inzu iii ni ixale ngundu?

Ajeu 1:4 ပူးပေါင်းရင်းမြစ်များ

II Samuuele 7:2

Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

II Jisobha 5:26

Maji muene phe ua mu ambela, uixi: Manhi o muxima uami ki uaii kumoxi nʼeie, kioso o muthu ió kia lunguluka ku thanduʼa dikalu diê kua kexile, iú uaii ku ku kauidila? Mbé kienʼiki kima phala eie kutambula phalata, ni kutambula izuuatu, ni midívua, ni mivide, ni jimbudi, ni jingombe, ni abhika a mala ni abhika a ahatu?

Jisálamu 102:14

Mukonda, etu tu selevende jé, ni matadi mé ma tu kate, ni mavu mé henda ia tu kuata.

Jisálamu 74:7

Tembulu ié a i te mu túbhia; a ku fukuila o dibhata di ua tele o dijina dié mu ngongo; o dibhezelu dié ia a di sengulula muene katé bhoxi.

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Jelemiia 22:14

Anga uila: ngi di tungila kinzu kia dixala, ni maxilu ma zanze; anga u i ta ni jinjanena; u folala kidibhata kioso ni mabaia ma musédulu, hé u ki teka ni husu.

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

Jelemiia 33:10

Jihova uambe kiki, uixi: Bhu kididi kiki (ki muala kutanga muexi: Kia di bhange kikangalakata, ki bhu moneka athu mba iama) mu jimbonge ja Juda ni mu jinzunga ja Jeluzaleme, ja biluka jingundu, ki mu moneka athu, ki mu moneka akua bhata, ki mu moneka iama,

Jelemiia 33:12

Jihova-phe dia Ifuẋi uambe kiki: Hanji bhu kididi kiki, kia di bhange ngundu, bhua kambe athu, mba iama, ni mu jimbonge jê joso, hádia mua-nda kukala dibhata dia tubhila a nhohesa ibhaku iâ.

Jelemiia 52:13

Anga uoha inzu ia Jihova ni dizemba dia sobha, kumoxi ni jinzu joso mu Jeluzaleme; jinzu joso ja adiakime ua jiʼoha mu túbhia.

Kuditenda 2:7

Jihova kalatódio kê ua ka ẋimbuka, o dibhezelu diê dia mu kumu; imbaka ia fikidila mazêmba mê ua i bhakula bhu lukuaku lua isuéia; abhangela jibuia mʼonzo ia Jihova, kala kiene kubhita mu kizuua kia kionge kia fesa.

Kuditenda 4:1

Kuahi ngó o kuhimba kua himbi o ulu! O ulu ua fina ua uabhele kiambote, o kiki ua lunguluka ni uene, tata! O matadi ma dibhezelu dia ngene di kola a ma muangena mu jithungi ja jinzunga joso, enu mala!

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Ijila 19:25

O mu muvu ua tanu, dienu-phe kiá ku ibundu iê; oxi-phe ia-nda ku mi bhana kuima kuanzungule; Eme-muène Jihova Nzambi ienu.

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.

Ajeu 1:3

Kizuelu kia Ngana anga kʼiza mu ukunji ua polofeta Ajeu, kuila:

Ajeu 1:5

Kiki-phe Jihova dia Ifuẋi uambe: Mixima ienu i tongolole hanji kiambote o uendelu uenu.

Ajeu 1:9

Muendi ima iavulu, maji mua kuata ngoho ia tolo; o ia tolo iii-phe, kioso ki mueza na-iu mʼonzo, eme ue nga i bhusué. Mukonda diahi? Jihova dia Ifuẋi, uixi: Mukonda dia inzu iami i mudielela, enu-phe mudienu kala muthu u lengela mu kulanga kiambote onzo iê.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.