Ajeu 1:14 - O Mikanda Ikola

¹⁴ Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

Ajeu 1:14 ပူးပေါင်းရင်းမြစ်များ

I Malunda 5:26

Kiabhekela Nzambi ia Izalaiele ku a balumuina o nzumbi ia Phulu, sobha ia Asídia, ni nzumbi ia Tikalate-Pilinesele, sobha ia Asídia, ua a kuika, iu ua ambata ku uhutile, o ana a Lubene ni ana a Ngade ni kaxaxe ka muiji ua Manasa; ia a a balakala ku Hala, ni ku Hambole, ni ku Hada ni ku ngiji ia Ngozane, ia ala kuenhoko katé mu kizuua kia lelu.

II Malunda 36:22

Maji-phe, o mu muvu ua dianga ua Silu sobha ia Pelesa (phala o kizuelu kia Jihova ni kitenene, kia tange ku dikanu dia Jelemiia), Jihova ua tonesa o nzumbi ia Silu, sobha ia Pelesa, muene iú ua bhitisa ni kuboka mu utuminu uê uoso, ni ku ki soneka muene, kuila.

Ejidala 1:1

Mu muvu ua dianga ua Silu, sobha ia Pélesa phala kizuelu kia Jihova ki tenene kia tange ku dikanu dia Jele miia, Jihova ua tonesa nzumbi ia Silu, sobha ia Pélesa, muene iú ua xikisa ngonge mu ixi ioso ia utuminu uê, ni ku ki soneka mu mikanda, kuila:

Ejidala 1:5

Bhenhobho jitata ja mabhata ma Juda ni Bejamí anga a balumuka, ni jinganga ni jilevita ni oso kiá a a tonesa o nzumbi moxi kuala Nzambi, phala ku banda mu kutunga inzu ia Jihova iala mu Jeluzaleme.

Ejidala 5:2

Bhenhobho Zolobabele monʼa Selatiiele, ni Jesuua monʼa Jozadake, a balumuka, anga a mateka dingi kutunga onzo ia Nzambi, iala mu Jeluzaleme; ni ene kiá, kumoxi ni jinganga ja Nzambi ja kexi mu ku a kuatekesa.

Ejidala 5:8

Ki ku jimbulukile éʼsobha, kuila etu tua ile ku sengu ia Juda, ku inzu ia Nzambi iâ Ionéne, ene a mu i tunga ni matadi a makota; o miẋi ia maleka iá a i ta kiá ku thandu, o kikalakalu kia mu kuenda lusolo, ki kiia muene ku pholo bhu maku mâ.

Nehemiia 4:6

Kienhiki tu kuata kutunga o kimbaka, anga ki takana kiene kioso katé kaxaxi kê; mukonda muẋima ua kifuxi ua bhetamena o kukalakala.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Ajeu 1:1

Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:

Ajeu 1:12

Bhenhobho Zolobabele, monʼa Selatiiele, ni Josuué monʼa Jozadake, nganga ia dikota, ni mundu uoso evua anga a xikina o dízui dia Jihova Nzambi iâ, ni maka ma polofeta Ajeu, kala Jihova Nzambi iê kia mu tumu ku a tangela; o mundu-phe a kala ni uôma bhu pholo ia Ngana.

Ajeu 1:15

Mu kizuua kia makuinhi a iadi ni iuana ku mbeji ia kasamanu, ku muvu ua kaiadi ua sobha Dário.

Ajeu 2:2

Tangela Zolobabele, monʼa Selatiiele, nguvulu ia Juda, ni Josuué, monʼa Jozadake, nganga ia dikota, ni mundu uoso, kuila:

Ajeu 2:21

Ambela Zolobabele, nguvulu ia Judá kuila:

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.